പാലങ്ങളുടെ തകർച്ച അന്വേഷണം വേണം, പാലം പണി പുനരാരംഭിക്കുകയും വേണം – കെപിസിസി പ്രസിഡൻ്റ് സണ്ണി ജോസഫ്

സംസ്ഥാനത്ത് അടിക്കടി നിർമ്മാണത്തിലിരിക്കുന്ന പാലങ്ങൾ തകരുന്ന സംഭവത്തെക്കുറിച്ച് ഉന്നത തല അന്വേഷണം നടത്തണമെന്ന് കെ പി സി സി അധ്യക്ഷൻ സണ്ണി ജോസഫ് എം എൽ എ പറഞ്ഞു.നിർമ്മാണത്തിലിരിക്കുന്ന തോരായി കടവ് പാലം തകർന്ന സ്ഥലത്ത് സന്ദർശനം നടത്തിയ ശേഷം മാധ്യമപ്രവർത്തകരോട് സംസാരിക്കുകയായിരുന്നു അദ്ദേഹം .’രണ്ടാഴ്ച മുമ്പാണ് ആലപ്പുഴയിൽ നിർമ്മാണത്തിലിരിക്കുന്ന പാലം തകർന്നു രണ്ട് തൊഴിലാളികൾക്ക് ജീവൻ നഷ്ട്ടപ്പെട്ടത്.ഇക്കഴിഞ്ഞ 14 ന് തോരായി കടവിലും പാലം തകർന്നു. മൂന്ന് വർഷം മുമ്പ് മുക്കം കൂളിമാട് പാലം തകർന്നതിന്നെ കുറിച്ച് അന്വേഷണം നടത്തിയത് അല്ലാതെ നടപടികളൊന്നും ഉണ്ടായിട്ടില്ല. അപകടങ്ങളിൽ പൊതുമരാമത്ത് വകുപ്പ് മന്ത്രി മുഹമ്മദ് റിയാസിനും ഇക്കാര്യത്തിൽ ഒഴിഞ്ഞു മാറാൻ പറ്റില്ലെന്ന് സണ്ണി ജോസഫ് പറഞ്ഞു. അന്വേഷണം നടത്തുന്നതിനോടൊപ്പം പാലം പണി പുനരാരംഭിക്കുവാനും നടപടി വേണമെന്നു അദ്ദേഹം ആവശ്യപ്പെട്ടു.ഷാഫി പറമ്പിൽ എംപി,ഡിസിസി പ്രസിഡൻ്റ് കെ. പ്രവീൺകുമാർ,ഡിസിസി ജനറൽ സെക്രട്ടറി രാജേഷ് കീഴരിയൂർ,കൊയിലാണ്ടി ബ്ലോക്ക് പ്രസിഡൻ്റ്മുരളി തോറോത്ത് മണ്ഡലം പ്രസിഡണ്ടുമാരായ ഷബീർ എളവനക്കണ്ടി ,അനിൽകുമാർ പാണലിൽ / മാടഞ്ചേരി സത്യനാഥൻ , തൻഹീർ കൊല്ലം ,ജറിൽ ബോസ് തുടങ്ങിയവരും കൂടെ ഉണ്ടായിരുന്നു