തോരയിക്കടവ് പാലം നിർമ്മാണത്തിനിടെ തകർന്നു വീഴാൻ കാരണം സംസ്ഥാന സർക്കാരിന്റെ അഴിമതിയാണെന്നു ബിജെപി കോഴിക്കോട് നോർത്ത് ജില്ല പ്രസിഡന്റ് സി ആർ പ്രഫുൽ കൃഷ്ണൻ. തോരയിക്കടവ് സന്ദർശിച്ച ശേഷം മാധ്യമപ്രവർത്തകരോട് സംസാരിക്കുകയായിരുന്നു അദ്ദേഹം. പൊതുമരാമത്തു വകുപ്പ് മന്ത്രിയുടെ സ്വന്തം നാട്ടിലാണ് ഇത്രയും ഗൗരവമായ സംഭവം നടന്നത്. കരാർ കമ്പനിക്കെതിരെ നടപടിയെടുക്കണം. ടിഎംആറിന്റെ മറ്റു കരാറുകൾ സർക്കാർ റദ്ധാക്കണം. കേരളത്തിന്റെ മുഖഛായ മാറ്റുന്ന 150 പാലങ്ങൾ നിർമ്മിക്കുമെന്നായിരുന്നു മുഹമ്മദ് റിയാസ് പറഞ്ഞത്. തോരയിക്കടവ് മോഡൽ പാലങ്ങളാണോ സർക്കാർ നിർമ്മിക്കാൻ ഉദ്ദേശിക്കുന്നതെന്നു മന്ത്രി വ്യക്തമാക്കണം. അഡ്വ ദിലീപ് എസ് ആർ ജയ്കിഷ്, ജിതേഷ് കാപ്പാട്, രഗിലേഷ് അഴിയൂർ സജീവ് കുമാർ, രജീഷ് തൂവക്കോട്, ബിജു മലയിൽ, ഹരിദാസ് പി എന്നിവർ ഒപ്പമുണ്ടായിരുന്നു.
തോരയിക്കടവ് പാലത്തിന്റെ തകർച്ചയ്ക്ക് കാരണം അഴിമതി: സി ആർ പ്രഫുൽ കൃഷ്ണൻ
