നിയമപാഠങ്ങൾ നേരിട്ടറിയാൻ വിദ്യാർത്ഥികൾ കോടതിയിലേക്ക്

നടുവണ്ണൂർ: കോടതിയുടെ നടപടിക്രമങ്ങൾ അറിയുന്നതിനായി കൊയിലാണ്ടി താലൂക്ക് ലീഗൽ സർവീസസ് കമ്മിറ്റിയും ജിഎച്ച്എസ്എസ് നടുവണ്ണൂരിലെ ബിസ്മാർട്ട് ക്ലബ്ബും സംയുക്തമായി സംഘടിപ്പിച്ച ശില്പശാല ഡിസ്ട്രിക്ട് ജഡ്ജ് കെ നൗഷാദലി ഉദ്ഘാടനം ചെയ്തു.സബ് ജഡ്ജ് എസ് പ്രിയങ്ക മുൻസിഫ് ജഡ്ജ് രവീണ നാസ് മജിസ്ട്രേറ്റ് അജികൃഷ്ണൻ എന്നിവരുമായി കുട്ടികൾ സംവാദം നടത്തി. പത്ത് ജീവിത നൈപുണികളെ അടിസ്ഥാനമാക്കി ഒ.ആർ.സി. ട്രെയിനർ വിൻസിയും സൈബർ സേഫ്റ്റിയെ കുറിച്ച് പോലീസ് ഓഫീസർ റഖീബ് മണിയൂർ ക്ലാസ് നൽകി. താലൂക്ക് കോടതി സമുച്ചയത്തിലെ വിവിധ കോടതികൾ കുട്ടികൾ സന്ദർശിച്ച് നടപടിക്രമങ്ങൾ മനസ്സിലാക്കി. പുതിയ പാഠ്യപദ്ധതി വിഭാവനം ചെയ്യുന്ന അനുഭവാധിഷ്ഠിത പഠനത്തിൻ്റെ ഭാഗമായി വിവിധ പരിപാടികളാണ് ബി സ്മാർട്ടിൻ്റെ നേതൃത്വത്തിൽ വിദ്യാലയത്തിനകത്തും പുറത്തുമായി നടത്തിവരുന്നത്. കോഡിനേറ്റർ മാരായ കെ ബൈജു , ഷാജി കാവിൽ, കെ സുനിത, കെ എം സാജിറ എന്നിവർ നേതൃത്വം നൽകി