കോഴിക്കോട് സാമൂതിരി രാജാ കെ സി രാമചന്ദ്രൻ രാജ (93)അന്തരിച്ചു . ബംഗളുരുവിലെ സ്വകാര്യ ആശുപത്രിയിൽ ഇന്ന് പുലർച്ചെയായിരുന്നു അന്ത്യം. സംസ്കാരം നാളെ (വെള്ളി) ബംഗളൂരുവിൽ നടക്കും .സാമൂതിരി കെ സി ഉണ്ണിയനുജൻ രാജ ഏപ്രിൽ 3ന് മരണപ്പെട്ടതിനെ തുടർന്നാണ് രാമചന്ദ്രൻ രാജാ സ്ഥാനത്തേക്ക് വന്നത് . അനാരോഗ്യം കാരണം ട്രസ്റ്റി ഷിപ്പിലുള്ള വിദ്യാഭ്യാസ സ്ഥാപനങ്ങളുടെയും ക്ഷേത്രങ്ങളുടെയും ഭരണ നിർവഹണം നടത്തുന്നതിനായി കോഴിക്കോട്ടേക്ക് വരാൻ കഴിഞ്ഞില്ല .
സാമൂതിരി സ്വരൂപത്തിലെ കിഴക്കേ കോവിലകം ശാഖയിലെ അംഗമാണ്. കെ സി രാമചന്ദ്രൻ രാജാ. 1932 ഏപ്രിൽ 27ന് ജനനം. കോട്ടക്കൽ കെപി സ്ക്കൂൾ, രാജാസ് ഹൈസ്കൂൾ ഇവിടങ്ങളിൽ പ്രാഥമികവിദ്യാഭ്യാസം. തുടർന്നുള്ള വിദ്യാഭ്യാസം ഡൽഹിയിൽ. ഡൽഹി സെൻ്റ് സ്റ്റീഫൻസ് കോളേജിൽ നിന്ന് Economics ൽ BA (Hons)ഉം MA യും നേടി. ഉപരിപഠനം London School of Economics ൽ. Metal Box ൽ കമഴ്സ്യൽ മാനേജരായി ഔദ്യോഗിക ജീവിതം തുടങ്ങി. ഏതാനും വർഷങ്ങൾക്ക് ശേഷം ബോംബെയിലെ ജാംലാൽ ബജാജ് ഇൻസ്റ്റിട്യൂട്ട് ഓഫ് മാനേജ്മെൻ്റിൽ അദ്ധ്യാപനജീവിതം ആരംഭിച്ചു.
പിന്നീട് ബോംബെയിലെ ഗാർവരെ ഇൻസ്റ്റിട്യൂട്ട് ഓഫ് കരിയർ എജുക്കേഷൻ & ഡവലപ്പ്മെൻറിൻ്റെ സ്ഥാപക ഡയറക്ടർ, SP ജയിൻ ഇൻസ്റ്റിട്യൂട്ട് ഓഫ് മാനേജ്മെൻ്റിൻ്റെ ഡയറക്ടർ ഈ പദവികൾ വഹിച്ചു. ഇപ്പോൾ ഗുജറാത്തിലെ വാപി യൂണിവേഴ്സിറ്റിയിലെ ഭരണ കൗൺസിൽ അംഗമാണ്. കാലടി മന ജാതവേദൻ നമ്പൂതിരിയും കിഴക്കേ കോവിലകത്ത് മഹാദേവി തമ്പുരാട്ടിയുമാണ് മാതാപിതാക്കൾ. ഭാര്യ കോട്ടക്കൽ പരപ്പിൽ കുടുംബാംഗം ഇന്ദിര രാജ. മക്കൾ : നാരായൺമേനോൻ (US) കല്യാണി ആർ മേനോൻ (ബാംഗ്ലൂർ). മരുമക്കൾ : മിന്നി മേനോൻ (US) രവി മേനോൻ (ബാംഗ്ലൂർ)
