മേപ്പയൂർ: മേപ്പയൂരിലും പരിസര പ്രദേശങ്ങളിലും വർദ്ധിച്ച് വരുന്ന തെരുവ് നായ്ക്കളുടെ ശല്യത്തിന് ശ്വാശ്വത പരിഹാരം കാണണമെന്നാവശ്യപ്പെട്ട് മേപ്പയൂർ മണ്ഡലം കോൺഗ്രസ്സ്കമ്മറ്റിയുടെ നേതൃത്വത്തിൽ മേപ്പയൂർ ഗ്രാമപഞ്ചായത്ത് ഓഫീസിന് മുന്നിൽ ധർണ്ണ നടത്തി. ജില്ലാ കോൺഗ്രസ്സ്കമ്മറ്റി ജനറൽ സെക്രട്ടറി രാജേഷ് കീഴരിയൂർ ധർണ്ണ ഉദ്ഘാടനം ചെയ്തു. മണ്ഡലം പ്രസിഡൻ്റ് പി.കെ അനീഷ് അദ്ധ്യക്ഷത വഹിച്ചു, ജില്ലാ കോൺഗ്രസ്സ്കമ്മറ്റി ജനറൽ സെക്രട്ടറി ഇ.അശോകൻ, ബ്ലോക്ക് പ്രസിഡൻ്റ് കെ.പി രാമചന്ദ്രൻ, ഇ.കെ മുഹമ്മദ് ബഷീർ, പറമ്പാട്ട് സുധാകരൻ, സി.പി നാരായണൻ, സി.എം ബാബു, ശ്രീനിലയം വിജയൻ, ടി.കെ അബ്ദുറഹിമാൻ, സുധാകരൻ പുതുക്കുളങ്ങര എന്നിവർ സംസാരിച്ചു. എടയിലാട്ട് ഉണ്ണികൃഷ്ണൻ, പി.കെ പ്രകാശൻ, കെ.എം ശ്യാമള, സത്യൻ വിളയാട്ടൂർ, ഷബീർ ജന്നത്ത്, റിൻജുരാജ്, പി.കെ രാഘവൻ, പ്രസന്ന ചൂരപ്പറ്റ എന്നിവർ നേതൃത്വം നൽകി. കഴിഞ്ഞ ദിവസം കൊഴുക്കല്ലൂരിലെ തുയ്യത്തു കുനി സി. പി. അനീഷിൻ്റേയും ദിൽനയുടെയും മകൾ ഏഴുവയസ്സുള്ള കെ.ജി.എം.എസ്സ് യു.പി. സ്കൂളിൽ രണ്ടാം ക്ലാസ്സിൽ പഠിക്കുന്ന ആദിയയെ തെരുവുനായ്ക്കൾ കൂട്ടമായി വന്നു തലയിലും ദേഹത്തുമൊക്കെ കടിയേറ്റു പരിക്കുകളോടെ കോഴിക്കോട് മെഡിക്കൽ കോളേജ് ചികിൽസയിലാണ്.
മേപ്പയൂരിലെ തെരുവ് നായ ശല്യം; പഞ്ചായത്ത് ഓഫീസിന് മുന്നിൽ കോൺഗ്രസ്സ് പ്രവർത്തകർ ധർണ്ണ നടത്തി
