നാടിന്റെ പെരുമ ഉയർത്തിയ പെരുമ പയ്യോളി യു എ ഇ ക്ക് പുതിയ നേതൃത്വം. പ്രസിഡന്റായി സുനിൽ പാറേമ്മലിനെയും ജനറൽ സെക്രട്ടറിയായി ഷാമിൽ മൊയ്‌ദീനെയും ട്രഷറര്‍ ആയി മൊയ്‌ദീൻ പട്ടായിയെയും തിരഞ്ഞെടുത്തു. 25/05/2025ന് ദുബൈ റാഷിദിയയിലെ ബ്രൈറ്റ് ലേണെഴ്സ് പ്രൈവറ്റ് സ്കൂളിൽ വെച്ച് സംഘടിപ്പിച്ച ജനറൽബോഡി യോഗം പെരുമയുടെ സ്ഥാപക ശിൽപിയും മുൻ രക്ഷാധികാരിയുമായ രാജൻ കൊളാവിപ്പാലം ഉൽഘാടനം ചെയ്തു. ഭാരവാഹി പാനൽ തിരഞ്ഞെടുപ്പിൽ കൊയിലാണ്ടിക്കൂട്ടം യുഎഇ ഘടകം ചെയർമാനായ ജലീൽ മഷ്ഹുർ തങ്ങൾ വരണാധികാരിയായി. ഒരു പാനൽ മാത്രം അവതരിക്കപ്പെട്ട തിരഞ്ഞെടുപ്പ് സഭ ഐക്യകണ്ഠേന പാസാക്കി. ചടങ്ങിൽ മുഖ്യ രക്ഷാധികാരിയായ ബഷീർ തിക്കോടി, രക്ഷാധികാരികളായ അസീസ് സുൽത്താൻ, പ്രമോദ് പുതിയവളപ്പിൽ, ബിജു പണ്ടാരപറമ്പിൽ എന്നിവർ സംബന്ധിച്ചു.
ദീർഘകാലം യു എ ഇ യിലെ സാമൂഹിക സാംസ്‌കാരിക മേഖലയിൽ വ്യക്തിമുദ്ര പതിപ്പിച്ച, പെരുമയുടെ മുൻ രക്ഷാധികാരിയുമായ രാജൻ കൊളാവിപാലത്തിനെ പെരുമയുടെ ഭാരവാഹികളും രക്ഷാധികാരികളും ചേർന്ന് മൊമെന്റോ നൽകി ആദരിച്ചു. അഡ്വ :സാജിദ്, ഷാജി ഇരിങ്ങൽ എന്നിവർ ചടങ്ങിന് ആശംസകൾ അറിയിച്ചു.
മറ്റു ഭാരവാഹികൾ വൈസ് പ്രസിഡന്റുമാർ: വേണു പുതുക്കുടി, ജലീൽ മേലടി, ഷംസീർ പയ്യോളി, ജോയിന്റ് സെക്രട്ടറിമാർ: നൗഷർ ആരണ്യ, കനകൻ പാറേമ്മൽ, ഹർഷാദ് പികെസി, ജോയിന്റ് ട്രഷറര്‍: സതീഷ് പള്ളിക്കര.
തുടർന്ന് നടന്ന പെരുമ ഫെസ്റ്റിൽ ഇശൽ ബാൻഡ് പയ്യോളി അവതരിപ്പിച്ച മുട്ടിപ്പാട്ടും പെരുമ അംഗങ്ങളുടെ മക്കൾ അവതരിപ്പിച്ച വിവിധ കലാ പരിപാടികളും പെരുമയിലെ ഗായകർ ഒരുക്കിയ ഗാനമേളയും അരങ്ങേറി.
