അരിക്കുളം ശ്രീ അരീക്കുന്ന് വിഷ്ണുക്ഷേത്രത്തിലെ പന്ത്രണ്ടാമത് ശ്രീമദ് ഭാഗവത സപ്താഹ യജ്ഞത്തിൻ്റെ ഭാഗമായുള്ള രുക്മിണി സ്വയംവര ഘോഷയാത്ര യജ്ഞവേദിയിൽ എത്തിച്ചേർന്നു

അരിക്കുളം ശ്രീ അരീക്കുന്ന് വിഷ്ണുക്ഷേത്രത്തിലെ പന്ത്രണ്ടാമത് ശ്രീമദ് ഭാഗവത സപ്താഹ യജ്ഞത്തിൻ്റെ ഭാഗമായുള്ള രുക്മിണി സ്വയംവര ഘോഷയാത്ര നടുവത്തൂർ ശ്രീ പരദേവതാ ക്ഷേത്രത്തിൽ നിന്നുമാരംഭിച്ച് യജ്ഞവേദിയിൽ എത്തിച്ചേർന്നു. നാദസ്വരത്തിൻ്റെ അകമ്പടിയോടെ താലപ്പൊലിയേന്തിയ ബാലികാ ബാലൻമാരും ഘോഷയാത്രയ്ക്ക് മിഴിവേകി. സ്നേഹ ശശീന്ദ്രനാണ് രുക്മിണീ വേഷധാരിയായത്. സതീദേവി കൈലാസ്, പുഷ്പലത ഉത്രാടം, സ്മിത പള്ളിക്കൽ, ശൈലജ നന്ദനം, ഭാമാവതി രവീന്ദ്രൻ, ധ്യാന പള്ളിക്കൽ, സി.എം.പുഷ്പവല്ലി, ഗൗരി സ്രാമ്പിയിൽ, വിഷ്ണുപ്രിയ വിഷ്ണു പ്രസാദ്, ക്ഷേത്ര സംരക്ഷണ സമിതി പ്രസിഡണ്ട് മേലമ്പത്ത് വാസു കിടാവ്, സെക്രട്ടറി സി.എം. പീതാംബരൻ, സപ്താഹ സമിതി ചെയർമാൻ എൻ.കെ. ഉണ്ണികൃഷ്ണൻ, ബാലകൃഷ്ണൻ കൗസ്തുഭം, ശ്രീകുമാർ മേലമ്പത്ത് എന്നിവർ നേതൃത്വം നൽകി. കരിവള്ളൂർ മരക്കാട്ടില്ലത്ത് മുരളീകൃഷ്ണൻ നമ്പൂതിരിയാണ് സപ്താഹ ആചാര്യൻ. സപ്താഹം മെയ് 4 ഞായറാഴ്ച സമാപിക്കും.