ചേളന്നൂർ അമ്പലത്തുകുളങ്ങര യങ് സ്റ്റാല്യൻ ആർട്സ് &സ്പോർട്സ് ക്ലബ്ബിന്റെ 15ാം വാർഷികാഘോഷവുമായി ബന്ധപ്പെട്ട് യങ് സ്റ്റാല്യൻ ഫെസ്റ്റിന്റെ ഒരു മാസം നീണ്ടുനിന്ന വിവിധ പരിപാടികളുടെ സമാപനവും സാംസ്കാരിക സമ്മേളനവും കലാസന്ധ്യയും ബഹു. വനം – വന്യ ജീവി വകുപ്പ് മന്ത്രി എ.കെ ശശീന്ദ്രൻ ഉദ്ഘാടനം നിർവഹിച്ചു. പ്രശസ്ത സിനിമ – നാടക നടി ശ്രീമതി ഉഷ ചന്ദ്ര ബാബു മുഖ്യാതിഥി ആയിരുന്നു. ബഹു: ചേളന്നൂർ ഗ്രാമ പഞ്ചായത്ത് പ്രസിഡന്റ് ശ്രീ പി പി നൗഷീർ സമ്മാനദാനം നിർവഹിച്ചു. ചടങ്ങിൽ സ്വാഗത സംഘം കൺവീനർ അനൂപ് കുമാർ കെ സ്വാഗതം പറഞ്ഞു. സ്വാഗത സംഘം ചെയർമാൻ ശ്രീ എം കെ രാജേന്ദ്രൻ അധ്യക്ഷത വഹിച്ചു. ചേളന്നൂർ ഗ്രാമ പഞ്ചായത്ത് മെമ്പർമാരായ ശ്രീ എൻ. രമേശൻ, ശ്രീമതി എ ജസീന, പുളിക്കുൽ റെസിഡൻസ് അസോസിയേഷൻ പ്രസിഡന്റ് ശ്രീ ബാബു വി പി തുടങ്ങിയവർ ആശംസ അറിയിച്ചു സംസാരിച്ചു. ക്ലബ് സെക്രട്ടറി ശ്യാം മനോഹരൻ നന്ദി പറഞ്ഞു.
യങ് സ്റ്റാല്യൻ (YS) ഫെസ്റ്റ് 2025 സമാപിച്ചു
