പഹൽഗാം ഭീകരാക്രമണത്തിൽ പരിക്ക് പറ്റി ചികിത്സയിൽ കഴിയുന്നവരെ രാഹുൽ ഗാന്ധി സന്ദർശിച്ചു

April 26, 2025

പഹൽഗാം ഭീകരാക്രമണത്തിൽ പരിക്കേറ്റവരെ സന്ദർശിച്ച് ലോക്‌സഭാ പ്രതിപക്ഷ നേതാവ് രാഹുൽ ഗാന്ധി. ഭീകരവാദത്തിനെതിരെ പോരാടാനും എന്നെന്നേക്കുമായി പരാജയപ്പെടുത്താനും ഐക്യത്തോടെ നിൽക്കേണ്ടത് പ്രധാനമാണെന്ന് രാഹുൽ പറഞ്ഞു.

ഭയാനകമായ ദുരന്തമാണ് ഉണ്ടായതെന്നും സ്ഥിതിഗതികൾ മനസ്സിലാക്കാനും സഹായത്തിനുമായാണ് താൻ ഇവിടെ എത്തിയതെന്നും, താഴ്‌വര സന്ദർശിച്ച ശേഷം രാഹുൽ ഗാന്ധി പറഞ്ഞു. കുടുംബാംഗങ്ങളെ നഷ്ടപ്പെട്ട എല്ലാവരോടും സ്നേഹം അറിയിക്കുന്നു. രാഷ്ട്രം ഒന്നായി നിൽക്കുന്നു, രാഹുൽ പറഞ്ഞു.

സർക്കാരുമായി കൂടിക്കാഴ്ച നടത്തിയതായും പ്രതിപക്ഷം ആക്രമണത്തെ അപലപിക്കുകയും സർക്കാർ സ്വീകരിക്കുന്ന ഏത് നടപടിക്കും പൂർണ്ണ പിന്തുണ പ്രഖ്യാപിക്കുകയും ചെയ്തതായി, വ്യാഴാഴ്ച ഡൽഹിയിൽ നടന്ന സർവകക്ഷി യോഗത്തെ പരാമർശിച്ചുകൊണ്ട് രാഹുൽ ഗാന്ധി പറഞ്ഞു.