ഇൻവോൾവ് കൾച്ചറൽ & ചാരിറ്റബിൾ സൊസൈറ്റിയുടെ ദശവാർഷികത്തോടനുബന്ധിച്ച് സസ്റ്റൈനബിൾ ലിവിംഗ് ക്യാമ്പയിൻ സംഘടിപ്പിച്ചു

ഇൻവോൾവ് കൾച്ചറൽ & ചാരിറ്റബിൾ സൊസൈറ്റിയുടെ ദശവാർഷികത്തോടനുബന്ധിച്ച് “സുസ്ഥിര ജീവിതരീതികൾ പിന്തുടരുന്നതിനുള്ള പ്രചോദനം ഒരുക്കുക” എന്ന ഉദ്ദേശ്യത്തോടെയുള്ള സസ്റ്റൈനബിൾ ലിവിംഗ് ക്യാമ്പയിൻ സംഘടിപ്പിച്ചു. ദൈനംദിന ജീവിതത്തിൽ പ്ലാസ്റ്റിക് നിർമ്മിതമായതുൾപ്പെടയുള്ള, ഒറ്റതവണ മാത്രം ഉപയോഗിച്ച് കളയുന്ന വസ്തുക്കളുടെ ഉപഭോഗം പരമാവധി ഒഴിവാക്കിക്കൊണ്ടും പകരം ഉപയോഗിക്കാവുന്ന ബദൽ മാർഗങ്ങൾ അവലംബിച്ചു കൊണ്ടും പരിസ്ഥിതി സൗഹാർദ്ദ ജീവിതരീതികൾ പിന്തുടർന്ന് കൊണ്ടുള്ള മാതൃകാപരമായ അവബോധ പ്രവർത്തനങ്ങൾ ഒരുക്കുക എന്ന ആശയം മുൻനിർത്തിയാണ് പരിപാടി സംഘടിപ്പിച്ചത്. ഇതിന്റെ ഭാഗമായി വടകര നഗരസഭയിലെയും ചോറോട്, മണിയൂർ, വില്യാപ്പള്ളി, ഒഞ്ചിയം, ഏറാമല, അഴിയൂർ എന്നീ സമീപ പഞ്ചായത്തുകളിലെയും മുഴുവൻ ഹരിത കർമ്മസേന അംഗങ്ങൾക്കും ഇൻവോൾവിൻ്റെ നേതൃത്വത്തിൽ സ്റ്റീൽ വാട്ടർ ബോട്ടിലുകൾ സമ്മാനിച്ചു. ക്രസന്റ് ബിൽഡേഴ്സ് (കോഴിക്കോട്) ആണ് ഈ പ്രോജക്ട് സ്പോൺസർ ചെയ്തത്.

ഏപ്രിൽ 12 ശനിയാഴ്ച രാവിലെ കൈനാട്ടി ബ്ലോസം ഇംഗ്ലീഷ് സ്കൂളിൽ വെച്ച് നടന്ന ക്യാമ്പയിൻ, ചോറോട് ഗ്രാമപഞ്ചായത്ത് പ്രസിഡന്റും ഇൻവോൾവ് ദശവാർഷികാഘോഷ സംഘാടക സമിതി രക്ഷാധികാരിയുമായ പി.പി ചന്ദ്രശേഖരൻ മാസ്റ്റർ ഉദ്ഘാടനം ചെയ്തു. ഏഴ് തദ്ദേശ സ്ഥാപനങ്ങളിൽ നിന്നുമുള്ള ഹരിതകർമ്മസേന പ്രതിനിധികൾ മുഴുവൻ അംഗങ്ങൾക്കുമുള്ള ബോട്ടിലുകൾ ഏറ്റുവാങ്ങി. സംഘാടക സമിതി ചെയർമാൻ പി പി രാജന്റെ അധ്യക്ഷതയിൽ ചേർന്ന പരിപാടിയിൽ ഇൻവോൾവ് എക്സിക്യൂട്ടീവ് കമ്മറ്റി അംഗം സ്വരൂപ് രയരോത്ത് സുസ്ഥിര ജീവിത ശൈലിയെക്കുറിച്ച് ആമുഖ ഭാഷണം നടത്തി. ഹരിത കർമ്മ സേന പ്രതിനിധികൾ മറുമൊഴിയർപ്പിച്ച് സംസാരിച്ചു. ഇൻവോൾവ് ജനറൽ സെക്രട്ടറി ദീപേഷ് ഡി ആർ സ്വാഗതം ആശംസിക്കുകയും വൈസ് പ്രസിഡന്റ് സുധീഷ് ഇ കെ നന്ദി പ്രകാശിപ്പിക്കുകയും ചെയ്തു.

Leave a Reply

Your email address will not be published.

Previous Story

തെക്ക് പടിഞ്ഞാറൻ മണ്‍സൂണ്‍ കാലത്ത് സാധാരണയില്‍ കൂടുതല്‍ മഴ പെയ്യാൻ സാധ്യതയുണ്ടെന്ന് കേന്ദ്ര കാലാവസ്ഥാ വകുപ്പ്

Next Story

വാഹനത്തിന് പിഴയുണ്ടെന്ന സന്ദേശം നിങ്ങളുടെ വാട്സ്ആപ്പിൽ ലഭിച്ചോ? തട്ടിപ്പിൻ്റെ മറ്റൊരു മുഖം, മുന്നറിയിപ്പുമായി കേരള പോലീസ്

Latest from Local News

പന്തലായനി ഗവ: ഹയർ സെക്കണ്ടറി സ്ക്കൂളിൽ പ്രൈമറി വിഭാഗം അധ്യാപക നിയമനം നടത്തുന്നു

കൊയിലാണ്ടി: പന്തലായനി ഗവ: ഹയർ സെക്കണ്ടറി സ്ക്കൂളിൽ പ്രൈമറി വിഭാഗം യു. പി എസ് ടി തസ്തികയിലേക്ക് ദിവസവേതനാടിസ്ഥാനത്തിൽ നിയമനം നടത്തുന്നു.

മേപ്പയൂർ മണ്ഡലം കോൺഗ്രസ്സ് കമ്മിറ്റിയുടെ 48 മണിക്കൂർ ഉപവാസം സമാപിച്ചു

മേപ്പയൂർ: ഗ്രാമപഞ്ചായത്തിന്റെ ദുർഭരണത്തിലും അഴിമതിയും പ്രതിഷേധിച്ച് മേപ്പയൂർ മണ്ഡലം കോൺഗ്രസ്സ് കമ്മിറ്റി പ്രസിഡണ്ട് പി കെ. അനീഷ് നടത്തിയ 48 മണിക്കൂർ

‘ഒത്തോണം ഒരുമിച്ചോണം’ കൊയിലാണ്ടി റയിൽവേ ഓണാഘോഷം സംഘടിപ്പിച്ചു

കൊയിലാണ്ടി റയിൽവേ സ്റ്റേഷനിൽ ഈ വർഷത്തെ ഓണാഘോഷങ്ങൾ സംഘടിപ്പിച്ചു. വളരെക്കാലങ്ങൾക്ക് ശേഷമാണ് കൊയിലാണ്ടി സ്റ്റേഷനിലെ എല്ലാ വിഭാഗം ജീവനക്കാരും ഒരുമിച്ച് ഓണം

കട്ടിപ്പാറ ഗ്രാമപഞ്ചായത്ത് ഗവ: ഹോമിയോ ഡിസ്പെൻസറിക്ക് ലഭിച്ച കേരള ആയുഷ് കായകൽപ് അവാർഡ് ഏറ്റുവാങ്ങി

കട്ടിപ്പാറ ഗ്രാമ പഞ്ചായത്ത് ഗവ: ഹോമിയോ ഡിസ്പെൻസറിക്ക് ലഭിച്ച കേരള ആയുഷ് കായകൽപ് അവാർഡ് തിരുവനന്തപുരം ജിമ്മി ജോർജ് ഇൻഡോർ സ്റ്റേഡിയത്തിൽ