അകാലനര – തയ്യാറാക്കിയത് ഗോപാലൻ വൈദ്യർ

അകാലനരയ്ക്ക് ചികിത്സകളേറെയുണ്ട്. പ്രായമാകുമ്പോഴുണ്ടാകുന്ന നരയ്ക്ക് മെലാനിൻ ഉത്പാദനം വർദ്ധിപ്പിക്കുന്ന ഔഷധങ്ങളും ഭക്ഷണക്രമവുമായി കുറച്ചു കാലം പിടിച്ചുനിൽക്കാം. മെലനോസൈറ്റ് കോശങ്ങൾ ഉത്പാദിപ്പിക്കുന്ന മെലാനിനാണ് മുടിക്ക് കറുപ്പുനിറം പകരുന്നത്. പ്രായമാവുമ്പോൾ ഉത്പാദിപ്പിക്കപ്പെടുന്ന മെലാനിന്റെ അളവ് കുറഞ്ഞുവരുന്നു. പലരും ഡൈകളിൽ അഭയം തേടുന്നു. ഡൈകളിൽ അടങ്ങിയിരിക്കുന്ന
അമോണിയയും സോഡിയം കാർബണേറ്റുപോലുള്ള ആൽക്കലൈൻ വസ്തുക്കളും പലരിലും അലർജിയും അസ്വസ്ഥതകളുമുണ്ടാക്കുന്നു. മുടി
കറുപ്പിക്കാൻ പ്രകൃതിദത്തമായ വഴികളാണ് ഉത്തമം. രാസവസ്തുക്കൾ അടങ്ങിയ ഹെയർ ഡൈകൾ ഉപയോഗിക്കുമ്പോഴുള്ളത്ര കറുപ്പുനിറം
പ്രകൃതിദത്തമാർഗ്ഗത്തിലൂടെ ലഭിക്കില്ല. ദോഷഫലങ്ങളില്ലാത്ത ഇത്തരം കൂട്ടുകൾ ഇടവിട്ടുള്ള ദിവസങ്ങളിൽ തുടർച്ചയായി ഉപയോഗിച്ച്
മുടിയുടെ കറുപ്പു നിലനിർത്താം.