ലഹരിവസ്തുക്കള് വിറ്റ് വാങ്ങിയ മലപ്പുറം വാഴയൂര് സ്വദേശി അബിന് (29)ന്റെ പേരിലുള്ള വാഹനം പൊലീസ് കണ്ടുകെട്ടി. 2024 ജൂണില് പതിമംഗലത്ത് കുന്ദമംഗലം പൊലീസും സിറ്റി ഡാന്സാഫും ചേര്ന്ന് നടത്തിയ വാഹനപരിശോധനയില് 141.88ഗ്രാം എംഡിഎംഎയുമായി അബിന് ഉള്പ്പെടെ നാലുപേര് പിടിയിലായിരുന്നു. ഈ കേസിലാണ് പ്രതിയുടെ പേരിലുള്ള ടിപ്പര്ലോറി കുന്ദമംഗലം പൊലീസ് കണ്ടുകെട്ടിയത്. നിലവില് പ്രതി കോഴിക്കോട് ജില്ലാ ജയിലില് ജുഡീഷ്യല് കസ്റ്റഡിയിലാണ്.
ബംഗളൂരുവില്നിന്നും രാസലഹരി കേരളത്തിലേയ്ക്ക് കടത്തി കോഴിക്കോട്, മലപ്പുറം ജില്ലകളിലെ വിവിധ പ്രദേശങ്ങളില് വില്പ്പന നടത്തുകയായിരുന്നു ഇയാള് ചെയ്തിരുന്നത്. കുറഞ്ഞ കാലയളവിനുള്ളില് പ്രതി വലിയ തോതില് പണം സമ്പാദിച്ചതും വാഹനം വാങ്ങിയതും ആഡംബര ജീവിതം നയിച്ചതും മറ്റും ലഹരി വില്പ്പനയില് നിന്നുള്ള വരുമാനം ഉപയോഗിച്ചാണെന്ന് അന്വേഷണത്തില് കണ്ടെത്തിയിരുന്നു. ഇതുസംബന്ധിച്ച്, കുന്ദമംഗലം പൊലീസ് സ്റ്റേഷന് ഇന്സ്പെക്ടര് എസ്. കിരണ് നല്കിയ റിപ്പോര്ട്ട് പ്രകാരമാണ് പ്രതിയുടെ സ്വത്തുവകകള് കണ്ടുകെട്ടുന്നതിനുള്ള നടപടികള് സ്വീകരിച്ചത്.
