മയക്കുമരുന്ന് പ്രതികളെ രാജ്യദ്രോഹകുറ്റം ചുമത്തി ജയിലിലടയ്ക്കണം, ഡോ.വി.എൻ. സന്തോഷ്‌കുമാർ

മയക്കുമരുന്ന് കേസുകളിൽ പ്രതികൾക്ക് നേരെ രാജ്യദ്രോഹക്കുറ്റം ചുമത്തി അവരെ ജയിലിലടയ്ക്കണമെന്ന് എഴുത്തുകാരനും പ്രഭാഷകനുമായ .ഡോ.വി.എൻ. സന്തോഷ്‌കുമാർ അഭിപ്രായപ്പെട്ടു. നാഷണൽ ഹ്യൂമൻ റൈറ്റ്സ് ആൻഡ് ആന്റി കറപ്ക്ഷൻ ഫോഴ്‌സിന്റെ വനിത ദിന പരിപാടിയിൽ കുടുംബം സമൂഹം ജീവിതം, എന്ന വിഷയം സെമിനാറിൽ അവതരിപ്പിച്ചു കൊണ്ട് സംസാരിക്കുകയായിരുന്നു അദ്ദേഹം. വനിത ദിന പരിപാടികൾ കുന്ന മംഗലം എക്സൈസ് ഇൻസ്പെക്ടർ നിശിൽ കുമാർ ഉദ്ഘാടനം ചെയ്തു. ലഹരി വിരുദ്ധ പ്രവർത്തനങ്ങൾ നാടിന്റെ നാനാഭാഗങ്ങളിലും വ്യാപിപ്പിക്കേണ്ടുന്നതിന്റെ ആവശ്യകതയെ കുറിച്ച് എല്ലാവരും ബോധവാന്മാരാകണമെന്ന് അദ്ദേഹം അഭിപ്രായപ്പെട്ടു. പരിപാടിയിൽ പ്രീതി.എസ്. അധ്യക്ഷയായിരുന്നു.ജീവിതത്തിന്റെ വ്യത്യസ്ത മേഖലകളിൽ കഴിവു തെളിയിച്ച ശ്രദ്ധ,, വൈഗ, അനാമിക, പത്മാവതി, ആരതി, ആവണി, ഓട്ടോ ഡ്രൈവർ ഷൈനി, എന്നിവരെ പരിപാടിയിൽ അനുമോദിച്ചു.റീജ എംപി, നിഷിന്ത് കുമാർ, പുഷ്പലത, വത്സല എൻ. കെ. സി.ഡി.എസ്സ്. ചെയർപേഴ്സൺ പ്രസന്ന, ഷൈജ വളപ്പിൽ, ഷാജി പി. കെ.തുടങ്ങിയവർ സംസാരിച്ചു.