ദുബായ്: ഫെബ്രുവരി 8ാം തീയ്യതി ശനിയാഴ്ച വുഡ്ലം പാർക്ക് സ്കൂളിൽ വച്ച് യു എ ഇ യിലെ മുഴുവൻ കോഴിക്കോട് ജില്ലയിലെ ചേമഞ്ചേരി പഞ്ചായത്ത് നിവാസികളുടെയും ഒത്തുചേരൽ സംഘടിപ്പിച്ചു. 600 ഓളം ആളുകൾ പങ്കെടുത്ത പരിപാടിയിൽ ചേമഞ്ചേരി പഞ്ചായത്ത് പ്രസിഡന്റ് ശ്രീമതി സതി കിഴക്കയിൽ മുഖ്യാതിഥി ആയിരുന്നു. ചടങ്ങിൽ ഏറെ കാലം പ്രവാസ ലോകത്ത് സേവനങ്ങൾ സമർപ്പിച്ച പഞ്ചായത്ത് നിവാസികളെയും സ്പോൻസർമാരെയും ആദരിച്ചു. ചേമഞ്ചേരി മുസ്ലിം അസോസിയേഷൻ പ്രസിഡന്റ് ജലീൽ പി പി അധ്യക്ഷത വഹിച്ചു. ഗെയിമുകളും മാജിക് ഷോയും ഗാനമേളയും പരിപാടിയുടെ മാറ്റ് കൂട്ടി. സെക്രട്ടറി ഇബിൻ റംസീർ സ്വാഗതവും ട്രഷറർ നൗഫൽ പി പി നന്ദിയും പറഞ്ഞു.
കോഴിക്കോട് ജില്ലയിലെ ചേമഞ്ചേരി പഞ്ചായത്ത് നിവാസികളുടെയും ഒത്തുചേരൽ ‘നാട്ടൊരുമ 25’ വർണ്ണാഭമായി
