ചെരിച്ചിൽ മഖാം ഉറൂസിന് ഇന്ന് തുടക്കമാകും

പയ്യോളി : ചരിത്ര പ്രസിദ്ധമായ ചെരിച്ചിൽ പള്ളി മഖാം ഉറൂസിന് ഇന്ന് വൈകീട്ട് മൂന്ന് മണിക്ക് മഹല്ല് ഖാസി ഈ കെ അബൂബക്കർ ഹാജി പതാക ഉയർത്തുന്നതോടെ തുടക്കമാകും ഫെബ്രുവരി ആറ് വരെ നീണ്ടു നിൽക്കുന്ന ഉറൂസ് മുബാറക്കിൽ മജ്‌ലിസുന്നൂർ , മതപ്രഭാഷണം , വിദ്യാർത്ഥി യുവജന മീറ്റ് , അഖില കേരള ഭക്തി ഗീത് മത്സരം, മുതഅല്ലിം സംഗമം , അന്നദാനം ,സമാപന പ്രാർത്ഥന മജ്ലിസ് എന്നിവ നടക്കും വിവിധ ദിവസങ്ങളിലായി പാണക്കാട് സയ്യിദ് നാസിർ അബ്ദുൽ ഹയ്യ് ശിഹാബ് തങ്ങൾ , സയ്യിദ് സനാ ഉള്ള തങ്ങൾ പാനൂർ , ചെറുമോത്ത് ഉസ്താദ് , മുഹമ്മദ് അലി റഹ്മാനി പുൽവെട്ട , കുമ്മനം നിസാമുദ്ദീൻ അസ്ഹരി , ശുഹൈബുൽ ഹൈതമി വാരാമ്പറ്റ , സ്വാലിഹ് ഹുദവി തൂത , ശരീഫ് റഹ്മാനി നാട്ടുകൽ , സുഹൈൽ ഹൈതമി പള്ളിക്കര , മൻസൂർ പുത്തനത്താണി എന്നിവർ പങ്കെടുക്കും വ്യാഴാഴ്ച രാത്രി പ്രമുഖ സൂഫീ വര്യൻ ശൈഖുനാ കിഴിശ്ശേരി ഉമർ ഉസ്താദിന്റെ നേതൃത്വത്തിൽ നടക്കുന്ന ദിക്ർ ദുആ സദസ്സോടെ പരിപാടികൾ സമാപിക്കുമെന്ന് സംഘാടകരായ ചെരിച്ചിൽ പള്ളി മഹല്ല് ഭാരവാഹികൾ അറിയിച്ചു