ചേമഞ്ചേരി പഞ്ചായത്തിലെ ആദ്യത്തെ സർക്കാർ വിദ്യാലയമായ കാപ്പാട് ഗവ:മാപ്പിള യു.പി. സ്ക്കൂളിൻ്റെ 125ാമത് വാർഷികഘോഷമായ ‘സിംഫണി 2025 ന്’ ഫിബ്രവരി 2 ന് തുടക്കമാവും. അന്ന് കാലത്ത് 10 മണിക്ക് നടക്കുന്ന പൂർവ്വ അധ്യാപക വിദ്യാർത്ഥി സംഗമം ‘ഓർമ്മകൾ പൂക്കുമ്പോൾ’ മുൻമന്ത്രിയും പൂർവ വിദ്യാർഥിയുമായ ശ്രീ പി.കെ.കെ ബാവ ഉദ്ഘാടനം ചെയ്യും. 3 ന് തിങ്കളാഴ്ച നടക്കുന്ന നഴ്സറി – അങ്കണവാടി കലോത്സവം വാർഡ് മെമ്പറും എഴുത്തുകാരനുമായ ഷെരീഫ് വി കാപ്പാട് കാപ്പാട് ഉദ്ഘാടനം ചെയ്യും.
4 ന് ചൊവ്വാഴ്ച സ്ക്കൂൾ വാർഷിക കാഘോഷപരിപാടികൾ എൻ.ടി പി അബു ഹാജി നഗറിൽ നടക്കും. വൈകുന്നേരം നടക്കുന്ന സാംസ്ക്കാരിക സമ്മേളനം കാനത്തിൽ ജമീല- എം.എൽ. എ ഉദ്ഘാടനം ചെയ്യും. ചടങ്ങിൽ ചേമഞ്ചേരി ഗ്രാമപഞ്ചായത്ത് പ്രസിഡണ്ട് സതി കിഴക്കയിൽ അധ്യക്ഷത വഹിക്കും. തുടർന്ന് വിദ്യാർത്ഥികളുടെയും രക്ഷിതാക്കളുടെയും കലാപരിപാടികൾ നടക്കും. വാർത്താസമ്മേളനത്തിൽ സാദിഖ് അവീർ , പി.പി. സതീഷ് കുമാർ ‘. ടി. ഷിജു. എടത്തിൽ രവി എന്നിവർ പങ്കെടുത്തു.
