എസ്എസ്എല്‍സി പരീക്ഷയുടെ മോഡല്‍ പരീക്ഷാ ഫിബ്രവരി 17 മുതൽ 21 വരെ

എസ്എസ്എല്‍സി പരീക്ഷയുടെ മോഡല്‍ പരീക്ഷാ ടൈംടേബിള്‍ പ്രസിദ്ധീകരിച്ചു. പേരുപോലെത്തന്നെ എസ്എസ്എല്‍സി പരീക്ഷയുടെ മാതൃകയാണ് ഫെബ്രുവരി 17 മുതല്‍ നടക്കാന്‍ പോകുന്നത്.  മാര്‍ച്ച് മൂന്ന് മുതല്‍ 26 വരെയാണ് എസ്എസ്എല്‍സി പരീക്ഷ അതായത് 40 ദിവസങ്ങള്‍ മാത്രമാണ് ഇനി ബാക്കിയുള്ളത്. 

പ്രധാന പരീക്ഷയുടെ ചോദ്യങ്ങള്‍ ഏത് രീതിയിലായിരിക്കുമെന്നുള്ള പ്രാഥമിക ധാരണ മോഡല്‍ പരീക്ഷ തരുന്നതാണ്. മാത്രമല്ല, ഭാഷാ വിഷയങ്ങളും സോഷ്യല്‍ സയന്‍സ് പോലെ ഉപന്യാസങ്ങള്‍ എഴുതേണ്ടി വരുന്ന വിഷയങ്ങളിലും സമയ ക്രമീകരണം എങ്ങനെ വേണമെന്ന് മോഡല്‍ പരീക്ഷയില്‍ പ്രാക്‌ടീസ് ചെയ്യാം.

മോഡല്‍ പരീക്ഷ കഴിഞ്ഞാല്‍ അധിക ദിവസങ്ങള്‍ എസ്എസ്എല്‍സി പരീക്ഷയ്ക്ക് ഇല്ല എന്നതും വസ്‌തുതയാണ്. ഇതുകൊണ്ടൊക്കെ തന്നെ അതീവ ഗൗരവത്തോടെ തന്നെ മോഡല്‍ പരീക്ഷയെ സമീപിക്കണം.

ഫെബ്രുവരി 17 മുതല്‍ 21 വരെയാണ് മോഡല്‍ പരീക്ഷ നടക്കുന്നത്. രാവിലെയും ഉച്ചയ്ക്കുമായാണ് പരീക്ഷ നടക്കുന്നത്. രാവിലെ 9.45 മുതല്‍ 11.30 വരെയും ഉച്ചയ്ക്ക് 2.00 മുതല്‍ 3.45 വരെയുമാണ് പരീക്ഷ നടക്കുക.