കൊയിലാണ്ടി: സാക്ഷരതാ മിഷന്‍ നടത്തുന്ന ഹയര്‍ സെക്കണ്ടറി തുല്യതാ ക്ലാസിലൂടെ നടന്നു കയറിയ പത്മിനി ബിരുദവും ബിരുദാനന്തര ബിരുദവും പിന്നിട്ടു. ഇനി ലക്ഷ്യം നിയമ ബിരുദം. കാലിക്കറ്റ് സര്‍വ്വകലാശാല വിദൂര വിദ്യാഭ്യാസ പദ്ധതിയില്‍ എം.എ.പൊളിറ്റിക്‌സ് പരീക്ഷയിലാണ് ചെങ്ങോട്ടുകാവ് എടക്കുളം നിടൂളി പത്മിനി ഫസ്റ്റ് ക്ലാസോടെ വിജയിച്ചത്. 63.4 ശതമാനം മാര്‍ക്കാണ് നേടിയത്.
ജീവിതപ്രയാസങ്ങള്‍ കാരണം എസ്.എസ്.എല്‍.സി ജയിച്ചതിന് ശേഷം പഠനം തുടരാന്‍ കഴിയാതിരുന്ന പത്മിനി 2016-18 വര്‍ഷത്തിലാണ് സാക്ഷരതാ മിഷന്‍ നടത്തുന്ന ഹയര്‍ സെക്കണ്ടറി തുല്യതാ കോഴ്‌സില്‍ ചേര്‍ന്നത്. കൊയിലാണ്ടി ജി.വി.എച്ച്.എസ്.എസ് കേന്ദ്രമാക്കിയായിരുന്നു പഠനം. പ്ലസ്ടു തുല്യതാ കോഴ്‌സ് പൂര്‍ത്തിയാക്കിയ ശേഷം ബി.എ പൊളിറ്റിക്‌സിന് ചേര്‍ന്നു. തുടര്‍ന്നാണ് കാലിക്കറ്റ് യൂണിവേഴ്‌സിറ്റിയുടെ വിദൂര വിദ്യഭ്യാസ പദ്ധതിയിലൂടെ എം.എ കോഴ്‌സില്‍ ചേര്‍ന്നത്.
ചേമഞ്ചേരി നെയ്ത്തു കേന്ദ്രത്തിലെ ജീവനക്കാരിയാണ് പത്മിനി. ജോലിത്തിരക്കിനിടയിലാണ് പഠനം. ഇതിനിടയില്‍ സാമൂഹിക പ്രവര്‍ത്തനവുമുണ്ട്. സി.പി.എം പ്രവര്‍ത്തകയായ ഇവര്‍ നിറവ് കുടുംബശ്രി അംഗം കൂടിയാണ്.
എം.എ പൊളിറ്റിക്‌സ് പരീക്ഷയില്‍ ഫസ്റ്റ് ക്ലാസോടെ വിജയം; നിടൂളി പത്മിനിയ്ക്ക് ഇത് അഭിമാന നേട്ടം
Latest from Local News
കൊയിലാണ്ടി: കൊല്ലം ചെറിയ തെങ്ങിലകത്ത് സി ടി മൂസക്കുട്ടി (71) അന്തരിച്ചു. പിതാവ് പരേതനായ മമ്മു ഹാജി. മകൾ: റൈഹാനത്ത്. സഹോദരങ്ങൾ:
രാഷ്ട്രീയ മഹിള ജനതാദൾ ജില്ലാ കമ്മറ്റിയുടെ നേതൃത്വത്തിൽ തെരഞ്ഞെടുത്ത മെമ്പർമാർക്കുള്ള പ്രസംഗ പരിശീലന ക്ലാസ് പയ്യോളി അരങ്ങിൽ ശ്രീധരൻ ഓഡിറ്റോറിയത്തിൽ വെച്ച്
കണ്ണൂർ പെരുമ്പുന്നയിൽ ട്രാവലർ മറിഞ്ഞ് 10 പേർക്ക് പരുക്ക്. ഗുണ്ടൽപ്പേട്ടിൽ പോയി മടങ്ങുകയായിരുന്ന കൂത്തുപറമ്പ് മെരുവമ്പായി സ്വദേശികൾ സഞ്ചരിച്ച വാഹനമാണ് അപകടത്തിൽപ്പെട്ടത്.
നന്തി വീമംഗലം : മൂടാടി പഴയ പഞ്ചായത്ത് ഓഫീസിന് സമീപം, ഇന്ദുരാഗത്തിൽ പി.എം ഇന്ദിര (83) അന്തരിച്ചു. ഭർത്താവ്: യു. കേളപ്പൻ
കേരളത്തില്‍ ഒരാൾക്കു കൂടി അമീബിക് മസ്തിഷ്ക ജ്വരം സ്ഥിരീകരിച്ചു. വയനാട് തരുവണ സ്വദേശിയായ 30 കാരനാണ് രോഗം സ്ഥിരീകരിച്ചത്. ചെന്നൈയിൽ ജോലി