കീഴരിയൂർ സംസ്കൃതി കലാ സാംസ്കാരിക കൂട്ടായ്മയുടെ പതിനൊന്നാം വാർഷികം ‘സർഗ്ഗസന്ധ്യ2024’ ഡിസംബർ 25ന്

കീഴരിയൂർ സംസ്കൃതി കലാ സാംസ്കാരിക കൂട്ടായ്മയുടെ പതിനൊന്നാം വാർഷികം ‘സർഗ്ഗസന്ധ്യ 2024, ഡിസംബർ 25 വൈകീട്ട് 5.30 ന് ബോംബു കേസ് സ്മാരക മന്ദിരത്തിൽ പ്രശസ്ത സിനിമാ നാടക പ്രവർത്തകൻ ശിവദാസ് പൊയിൽ കാവ് ഉദ്ഘാടനം ചെയ്യും. ഉപജില്ലാ സ്കൂൾ കലോത്സവത്തിൽ വ്യക്തി ഗത ഇനങ്ങളിൽ ഒന്നാം സ്ഥാനം നേടി യവർ, റവന്യൂ ജില്ലാ , സംസ്ഥാനതല കലാകായിക മേളകളിൽ തിളക്കമാർന്ന വിജയം നേടിയവർ, സംസ്കൃതി നടത്തിയ ‘ ഇഷ്ട പുസ്തകം എന്റെ വായനയിൽ ‘ എന്ന പുസ്തകാസ്വാദന അഭിമുഖ മത്സരത്തിലെ വിജയികൾ, ഒന്നു മുതൽ പത്തു വരെ ക്ലാസുകളിൽ പഠിക്കുന്ന കുട്ടികൾക്കായി പഞ്ചായത്തുതലത്തിൽ സംസ്കൃതി നടത്തിയ ചിത്രരചനാ മത്സര വിജയികൾ (മത്സര ഫലം പ്രസിദ്ധീകരിച്ചിട്ടില്ല ) എന്നിവരെ അനുമോദിക്കുന്ന പ്രതിഭാ സംഗമം സർഗ്ഗസന്ധ്യയുടെ ഭാഗമായി നടക്കും. സംഘനൃത്തം, ഗാനം എന്നിവയും , ‘ തൂക്കുമരങ്ങൾ ഞങ്ങൾക്ക് ‘ എന്ന എം.സുകുമാരന്റെ പ്രശസ്ത രചനയെ അവലംബിച്ച് അനിൽകുമാർ ചുക്കോത്ത് രചനയും മുഹമ്മദ് എരവട്ടൂർ സംവിധാനവും നിർവ്വഹിച്ച ‘ഇത:പരം നാടകവും അരങ്ങേറും.