മഞ്ചേശ്വരം തിരഞ്ഞെടുപ്പ് കോഴക്കേസിൽ കെ സുരേന്ദ്രന് തിരിച്ചടി. കാസർകോട് ജില്ലാ സെഷൻസ് കോടതിയുടെ വിധി ഹൈക്കോടതി സ്റ്റേ ചെയ്തു. സംസ്ഥാന സർക്കാരിൻ്റെ അപ്പീലിലാണ് ഹൈക്കോടതി ഇടപെടൽ. കേസിൽ കെ സുരേന്ദ്രന് ഹൈക്കോടതി നോട്ടീസ് അയച്ചു. കേസിൽ വരും ദിവസങ്ങളിൽ ഹൈക്കോടതി വാദം കേൾക്കും.
തിരഞ്ഞെടുപ്പ് കോഴക്കേസില് ഒരു വര്ഷത്തിനകം കുറ്റപത്രം സമര്പ്പിക്കണമെന്നാണ് സി.ആര്.പി.സി വ്യവസ്ഥ ചെയ്യുന്നതെങ്കിലും 2021 മാര്ച്ച് 21 ന് നടന്ന സംഭവത്തില് അന്വേഷണ സംഘം കുറ്റപത്രം സമര്പ്പിച്ചത് 2023 ഒക്ടോബര് ഒന്നിനായിരുന്നു. പരമാവധി ഒരു വര്ഷത്തെ തടവ് ശിക്ഷയുളള ഒരു കുറ്റത്തിൽ ഒരു വര്ഷത്തിനകം തന്നെ കുറ്റപത്രം സമര്പ്പിക്കണമെന്ന പ്രാഥമിക കാര്യം അന്വേഷണ സംഘവും പ്രൊസിക്യൂഷനും പാലിച്ചില്ല. ഇടക്കാല കുറ്റപത്രം സമര്പ്പിച്ചിരുന്നെങ്കിലും അന്തിമ കുറ്റപത്രത്തില് ഇക്കാര്യം ഉണ്ടായിരുന്നില്ല. അത് കോടതിയെ അറിയിക്കാന് പ്രോസിക്യൂഷന് കഴിഞ്ഞില്ല. കേസ് രജിസ്റ്റര് ചെയ്തത് തന്നെ സംഭവം നടന്ന് 78 ദിവസങ്ങള്ക്ക് ശേഷമാണെന്ന കാര്യവും കോടതി ചൂണ്ടിക്കാട്ടി.
