കൊയിലാണ്ടി ഗവൺമെൻറ് മാപ്പിള ഹയർസെക്കൻഡറി സ്കൂൾ എൻഎസ്എസ് യൂണിറ്റ് വിദ്യാർഥികൾ പാലിയേറ്റീവ് ദിനത്തിൽ നെസ്റ്റ് പാലിയേറ്റീവ് സെൻറർ നടത്തിയ ബോധവൽക്കരണ ക്ലാസിൽ പങ്കെടുത്തു.കൊയിലാണ്ടി നഗരത്തിൽ പാലിയേറ്റീവ് സന്ദേശ റാലി നടത്തുകയും നെസ്റ്റ് കേന്ദ്രത്തിന് വേണ്ടി ധനസമാഹരണത്തിൽ പങ്കാളികളാവുകയും നെസ്റ്റ് ഓർഫനേജ് കെയർ ഹോമിലേക്ക് അവശ്യവസ്തുക്കൾ സംഭാവന ചെയ്യുകയും ചെയ്തു.നെസ്റ്റ് കോഡിനേറ്റർ യൂനുസ് , എൻഎസ്എസ് പ്രോഗ്രാം ഓഫീസർ ഫൗസിയ, എൻഎസ്എസ് ലീഡർ നവനീത എന്നിവർ നേതൃത്വം നൽകി.
