കൊയിലാണ്ടി താലൂക്കിലെ എ എ വൈ (മഞ്ഞ) മുൻഗണന (പിങ്ക്) റേഷൻ കാർഡിലെ മുഴുവൻ അംഗങ്ങൾക്കായുള്ള e KYC അപ്ഡേഷൻ 2024 ഒക്ടോബർ 3 മുതൽ 08 വരെ അതാത് റേഷൻ കടകളിൽ വെച്ച് നടത്തും. മഞ്ഞ , പിങ്ക് റേഷൻ കാർഡുകളിലെ എല്ലാ അംഗങ്ങളും ഈ കാലയളവിനുള്ളിൽ റേഷൻ കടകളിൽ എത്തി eKYC അപ്ഡേഷൻ നടത്തേണ്ടതാണ് .
കൃത്യസമയത്ത് eKYC അപ്ഡേഷൻ നടത്തിയില്ലെങ്കിൽ അവരുടെ റേഷൻ വിഹിതം നഷ്ടപ്പെടാൻ സാധ്യതയുണ്ട് കഴിഞ്ഞ തവണ eKYC അപ്ഡേറ്റ് ചെയ്തവരും ഈ വർഷം ഓഗസ്റ്റ് 5 ന് ശേഷം ബയോമെട്രിക് ഓതെന്റികേഷൻ വഴി റേഷൻ സാധനം വാങ്ങിയ അംഗങ്ങളും eKYC ഇനിയും അപ്ഡേറ്റ് ചെയ്യേണ്ടതില്ല. https://epos.kerala.gov.in എന്ന വെബ്സൈറ്റ് വഴി നിലവിൽ eKYC അപ്ഡേഷൻ നടത്തിയവരുടെ വിവരങ്ങൾ അറിയാവുന്നതാണെന്ന് കൊയിലാണ്ടി താലൂക്ക് സപ്ലൈ ഓഫീസർ ചന്ദ്രൻ കുഞ്ഞി പറമ്പത്ത് അറിയിച്ചു.
