നിയമസഭാ സമ്മേളനത്തിന് നാളെ തുടക്കമാകും. പതിനഞ്ചാം കേരള നിയമസഭയുടെ പന്ത്രണ്ടാം സമ്മേളനമാണ് നാളെ നടക്കുക. ഏറെ രാഷ്ട്രീയ വിവാദങ്ങൾക്കിടെയാണ് നിയമസഭാ സമ്മേളനത്തിന് തുടക്കമാവുന്നത്. മുണ്ടക്കൈ ഉരുൾപൊട്ടലിൽ ജീവൻ നഷ്ടമായവർക്ക് ആദരാഞ്ജലി അർപ്പിച്ച് ആദ്യദിനത്തിൽ സമ്മേളനം പിരിയും.
എഡിജിപി- ആർഎസ്എസ് കൂടിക്കാഴ്ച മുഖ്യമന്ത്രിയുടെ അഭിമുഖ വിവാദം എഡിജിപിക്കും പി ശശിക്കും എതിരെ പി വി അൻവർ ഉന്നയിച്ച ആരോപണങ്ങൾ ഉൾപ്പെടെ ചൂടേറിയ വാദപ്രതിവാദങ്ങൾക്ക് സഭ വേദിയാകും. കൂടാതെ തൃശൂർ പൂരം കലക്കൽ വിവാദവും പ്രതിപക്ഷ ആയുധമാക്കും. ഒമ്പത് ദിവസമാണ് സഭ നീണ്ടുനിൽക്കുക. സമ്മേളനം 18ന് അവസാനിക്കും.
