കോഴിക്കോട്: തദ്ദേശസ്വയംഭരണ സ്ഥാപനങ്ങളിലെ തെരഞ്ഞെടുപ്പുമായി ബന്ധപ്പെട്ട് പാര്ട്ടി നല്കിയ ഉത്തരവാദിത്വങ്ങള് കൃത്യമായി നിറവേറ്റാത്തവരെ തല്സ്ഥാനങ്ങളില് നിന്നും നീക്കം ചെയ്യുമെന്ന് എഐസിസി ജനറല് സെക്രട്ടറി ദീപ ദാസ്മുന്സി പറഞ്ഞു. ജില്ലാ കോണ്ഗ്രസ് കമ്മിറ്റിയുടെ അവലോകനയോഗം ഉദ്ഘാടനം ചെയ്ത് സംസാരിക്കുകയായിരുന്നു അവര്.
പെര്ഫോമന്സ് ഓഡിറ്റിംഗ് പാര്ട്ടിയില് കര്ശനമായി നടപ്പിലക്കും. പ്രവര്ത്തനക്ഷമതയായിരിക്കും ഭാരവാഹിത്വം ലഭിക്കാനുള്ള മാനദണ്ഡം. പാര്ട്ടിയില് ഗ്രൂപ്പിസത്തിന്റെ കാലം കഴിഞ്ഞിരിക്കുന്നു. ക്വാട്ട സിസ്റ്റവും സ്റ്റാറ്റസ് കോ സിസ്റ്റവും പാര്ട്ടിയില് അടഞ്ഞ അധ്യായങ്ങളാണ്. വിജയ സാധ്യതയായിരിക്കും സ്ഥാനാര്ത്ഥികളെ നിശ്ചയിക്കുന്നതിനുള്ള ഏറ്റവും പ്രധാനപ്പെട്ട മാനദണ്ഡം.
സിപിഎമ്മിന്റെ നേതൃത്വത്തിലുള്ള എല്ഡിഎഫ് ഭരിക്കുന്ന സര്ക്കാര് അഴിമതികളുടെ കേന്ദ്രമായി മാറിയിരിക്കുന്നു. അവിടെ വികസനങ്ങള് ഇല്ല തദ്ദേശ സ്വയംഭരണ സ്ഥാപനങ്ങളെ ഞെക്കിക്കൊല്ലുന്ന രീതിയാണ് പിണറായി സര്ക്കാര് സ്വീകരിച്ചു കൊണ്ടിരിക്കുന്നത്. കോണ്ഗ്രസ് കൊണ്ടുവന്ന പഞ്ചായത്തീരാജ് സമ്പ്രദായത്തെ കേരളത്തില് ഇടതു സര്ക്കാര് തകര്ത്തിരിക്കുന്നു. തദ്ദേശസ്വയംഭരണ സ്ഥാപനങ്ങളിലെ പദ്ധതിവിഹിതം നീതീകരിക്കാനാവാത്ത രീതിയിലാണ് വെട്ടിക്കുറച്ചത്. ഇതിന് പിണറായി സര്ക്കാര് കേരളത്തിലെ ജനങ്ങളോട് മറുപടി പറയണം. അഴിമതിയും സ്വജനപക്ഷപാതവും കൈമുതലാക്കിയ എല്ഡിഎഫ് സര്ക്കാറിനെ പരാജയപ്പെടുത്തുകയും വര്ഗീയ ശക്തിയായ ബിജെപിയെ പ്രതിരോധിക്കുകയുമായിരിക്കണം കോണ്ഗ്രസുകാരന്റെ അജണ്ട എന്നും അവര് കൂട്ടിചേര്ത്തു.
ഡിസിസി പ്രസിഡന്റ് അഡ്വ. കെ. പ്രവീണ്കുമാര് അധ്യക്ഷത വഹിച്ചു. കെപിസിസി ജനറല് സെക്രട്ടറിമാരായ അഡ്വ.
കെ. ജയന്ത്, അഡ്വ. പി.എം. നിയാസ്, രാഷ്ട്രീയകാര്യസമിതി അംഗം എന്. സുബ്രഹ്മണ്യന്, മുന് ഡിസിസി പ്രസിഡണ്ട് കെ.സി. അബു, യുഡിഎഫ് ചെയര്മാന് കെ. ബാലനാരായണന് എന്നിവര് സംസാരിച്ചു.
നിയോജകമണ്ഡലങ്ങളിലും തദ്ദേശ സ്വയംഭരണ സ്ഥാപനങ്ങളിലുമുള്ള നേതാക്കള് പ്രവര്ത്തന റിപ്പോര്ട്ട് അവതരിപ്പിച്ചു. വാര്ഡ് കമ്മിറ്റികള്ക്ക് ജില്ലാ കോണ്ഗ്രസ് കമ്മിറ്റി അടിച്ചു നല്കുന്ന മിനുട്ട്സ് ബുക്ക് ദീപ ദാസ്മുന്സി വില്യാപ്പള്ളി ബ്ലോക്ക് കോണ്ഗ്രസ് കമ്മിറ്റി പ്രസിഡന്റ് ഷീബ ചരണ്ടത്തൂരിന് നല്കി പ്രകാശനം ചെയ്തു. ഡിസിസി ജനറല് സെക്രട്ടറിമാരായ പി.എം. അബ്ദുറഹിമാന് സ്വാഗതവും ചോലക്കല് രാജേന്ദ്രന് നന്ദിയും പറഞ്ഞു.
