കൊയിലാണ്ടി: തീരദേശ ഹൈവേ അനാവശ്യമാണെന്നുള്ള പ്രതിപക്ഷ നേതാവിൻ്റെ പ്രസ്താവന പിൻവലിക്കണമെന്നും കേരളത്തിലെ ലക്ഷക്കണക്കിന് വരുന്ന തീരദേശ വാസികളുടെ സ്വപ്ന പദ്ധതിയായ ഈ ജനകീയ പദ്ധതിയെ അവഹേളിച്ച പ്രതിപക്ഷ നേതാവ് മാപ്പ് പറയണമെന്നും കേരളാ കോൺഗ്രസ്സ് (എം)കൊയിലാണ്ടി നിയോജക മണ്ഡലം മുന്നൊരുക്കം 2024-25 , സമ്മേളനം ആവശ്യപ്പെട്ടു. ജില്ലാ പ്രസിഡൻ്റ് ടി.എം. ജോസഫ് ഉദ്ഘാടനം ചെയ്തു. നിയോജക മണ്ഡലം പ്രസിഡൻ്റ് എം റഷീദ് അദ്ധ്യക്ഷത വഹിച്ചു. കെ. എം പോൾസൺ, എം മുഹമ്മദാലി, ശംസുദ്ധീൻ, സിറാജ്, മിസ്ഹബ് ഷഫീക്, ആബിദ്, മുഹമ്മദ് നഹ ,എന്നിവർ പ്രസംഗിച്ചു.
