കോഴിക്കോട് : പ്രമുഖ മനുഷ്യാവകാശ പ്രവർത്തകനും സഹകരണ സഹകാരിയും നിരവധി സാമൂഹിക സാംസ്കാരിക കലാകായിക സംഘടനകളുടെ സാരഥിയും പ്രവാസിയും ആയ പി.കെ. കബീർ സലാലയെ തുടർച്ചയായി നാലാമതും ലോക കേരളസഭയിലേക്ക് കേരള സർക്കാർ നാമനിർദ്ദേശം ചെയ്യപ്പെട്ട സാഹചര്യത്തിൽ അദ്ദേഹത്തിന് കൊയിലാണ്ടിയിലെ ആർ.ജെ.ഡി. സുഹൃത്ത് കൂട്ടായ്മയുടെ ആഭിമുഖ്യത്തിൽ മർച്ചൻസ് അസോസിയേഷൻ ഹാളിൽ ഊഷ്മളമായ സ്വീകരണം നൽകി.
വിവിധ സംഘടനാ പ്രതിനിധികൾഹാരാർപ്പണം ചെയ്തു. അഡ്വ. ടി.കെ. രാധാകൃഷ്ണൻ ആധ്യക്ഷം വഹിച്ചു. കെ. ലോഹ്യ ഉപഹാരം സമർപ്പിച്ചു. എം.പി.അജിത, സുരേഷ് മേലേ പുറത്ത്, രാമചന്ദ്രൻ കുയ്യുണ്ടി, രജിഷ് മാണിക്കോത്ത്, സി.കെ. ജയദേവൻ, ഗിരീഷ് കോരങ്കണ്ടി, ടി. ശശിധരൻ, ജി. മമ്മദ് കോയ എന്നിവർ സംസാരിച്ചു. കബീർ സലാല സ്വീകരണത്തിന് നന്ദി രേപ്പെടുത്തി.
