കൊയിലാണ്ടി : 50 വർഷം പൂർത്തിയാക്കുന്ന കൊയിലാണ്ടി റെഡ് കർട്ടൻ കലാവേദിയുടെ സുവർണ്ണ ജൂബിലി ആഘോഷത്തിന് സംഘാടകസമിതി രൂപവൽക്കരിച്ചു. ഇ.കെ വിജയൻ എം എൽ എ ഉദ്ഘാടനം ചെയ്തു. പ്രസിഡൻ്റ് വി.കെ രവി അദ്ധ്യക്ഷനായിരുന്നു. മാധ്യമ പ്രവർത്തകൻ എൻ. കെ .രവീന്ദ്രൻ , ഇ കെ അജിത്, അഡ്വ എസ്.സുനിൽ മോഹൻ, രാഗം മുഹമ്മദലി,കെ ടി കല്യാണി , അഡ്വ ടി.കെ ശ്രീനിവാസൻ, അലി അരങ്ങാടത്ത് , സി. സത്യചന്ദ്രൻ, രവീന്ദ്രൻ അനശ്വര, കെ .കെ സുധാകരൻ എന്നിവർ സംസാരിച്ചു. ശില്പശാലകൾ, നാടക പഠനക്യാമ്പുകൾ, നാടകാവതരണം, പുസ്തകോത്സവം, സ്കൂൾ കോളേജ് വിദ്യാർത്ഥികൾക്കു വേണ്ടി വിവിധ പരിപാടികൾ, കൊയിലാണ്ടിയുടെ സാംസ്ക്കാരിക ചരിത്രം ഉൾകൊള്ളുന്ന സ്മരണിക, നാടകോത്സവം എന്നിങ്ങനെ ഒരു വർഷം നീണ്ടു നിൽക്കുന്ന പരിപാടികൾ സംഘടിപ്പിക്കും.
സംഘാടക സമിതി ചെയർമാനായി ഇ. കെ . അജിത്തിനെയും, കൺവീനറായി രാഗം മുഹമ്മദാലിയെയും ട്രഷറർ ആയി അലി അരങ്ങാടത്തിനെയും തിരഞ്ഞെടുത്തു.
