പ്രശസ്ത ഗായിക ആശാ ഭോസ്‌ലെ അന്തരിച്ചു

800-ലധികം ചിത്രങ്ങളിലായി ആയിരത്തിലധികം ഗാനങ്ങൾ പാടി ഇന്ത്യൻ സിനിമാസംഗീത രംഗത്ത് അനശ്വര സാന്നിധ്യമായിരുന്നു ആശ ഭോസ്ലെ. രണ്ട് ദേശീയ പുരസ്കാരങ്ങൾ ഉൾപ്പെടെ നിരവധി അംഗീകാരങ്ങൾ നേടിയ അവർക്ക് 2008ൽ രാജ്യത്തിന്റെ ഉയർന്ന സിവിലിയൻ പുരസ്കാരങ്ങളിലൊന്നായ പത്മവിഭൂഷൺ നൽകി ആദരിച്ചിട്ടുണ്ട്.

1933 സെപ്റ്റംബർ 8ന് പണ്ഡിറ്റ് ദീനനാഥ് മങ്കേഷ്കറുടെ മകളായി ജനിച്ച ആശ, മറാത്തി സിനിമയായ മജ്ഹാ ബാലയിലൂടെയാണ് ഗായികയായി അരങ്ങേറ്റം കുറിച്ചത്. 1952ലെ സംഗ്ദിൽ എന്ന ചിത്രത്തോടെ ശ്രദ്ധ നേടിയ അവർ, ബോളിവുഡിൽ ശക്തമായ സ്ഥാനമുറപ്പിച്ചു. ബിമൽ റോയിയുടെ പരിണീതയും രാജ് കപൂറിന്റെ ബൂട്ട് പോളിഷ് പോലുള്ള ചിത്രങ്ങളിലെ ഗാനങ്ങൾ ഏറെ ശ്രദ്ധ നേടി.

സ്വകാര്യജീവിതത്തിൽ വെല്ലുവിളികൾ നേരിട്ട ആശ ഭോസ്ലെ, ആദ്യ വിവാഹബന്ധം വേർപെടുത്തിയ ശേഷം സംഗീതത്തിലേക്ക് കൂടുതൽ ശ്രദ്ധ കേന്ദ്രീകരിച്ചു. പിന്നീട് സംഗീതസംവിധായകൻ R. D. Burmanസഹിതമുള്ള കൂട്ടുകെട്ട് ഇന്ത്യൻ സംഗീതലോകത്ത് പുതുഅധ്യായം തുറന്നു. 1970കളിൽ ഈ കൂട്ടുകെട്ട് നൽകിയ ഗാനങ്ങൾ യുവതലമുറയെ ആവേശഭരിതരാക്കി.

കാരവാൻ സിനിമയിലെ “പിയ തൂ അബ്തോ ആജാ”, ഹരേ രാമ ഹരേ കൃഷ്ണയിലെ “ദം മറോ ദം”, യാദോൻ കി ബാരാത്യിലെ “ചുരാ ലിയാ ഹെ തുംനെ” തുടങ്ങിയ ഗാനങ്ങൾ അവരുടെ സംഗീതയാത്രയിലെ മൈൽസ്റ്റോണുകളായി. ഗസൽ, കാബറെ, പോപ്പ്, ഡിസ്കോ തുടങ്ങി വിവിധ ശൈലികളിൽ അവർ മികവ് തെളിയിച്ചു.

പിന്നീട്ഇളയരാജ, അനു മാലിക്, എ.ആർ.റഹ്മാൻ എന്നിവരോടൊപ്പം പ്രവർത്തിച്ചും നിരവധി ശ്രദ്ധേയ ഗാനങ്ങൾ സമ്മാനിച്ചു. ദിൽ പഡോസി ഹെ, ജാനം സമ്മ്ഝാ കരോ, കഭി തോ നസർ മിലാവോ തുടങ്ങിയ ആൽബങ്ങളും ഏറെ ജനപ്രീതി നേടി.

ഇന്ത്യൻ സംഗീതലോകത്തിന് തീരാനഷ്ടമാണ് ആശ ഭോസ്ലെയുടെ നിര്യാണം.