സ്വീപ്പിൻ്റെ ഭാഗമായി കോഴിക്കോട് ജില്ലാ ഭരണകൂടം വെള്ളിമാട്കുന്ന് ചിൽഡ്രൻസ് കെയർ ഹോമിലും ജെൻഡർ പാർക്കിലും ശ്രദ്ധേയമായ പരിപാടി സംഘടിപ്പിച്ചു

തിരഞ്ഞെടുപ്പ് ബോധവൽക്കരണ പരിപാടിയായ SVEEP (Systematic Voters’ Education and Electoral Participation)-ന്റെ ഭാഗമായി കോഴിക്കോട് ജില്ലാ ഭരണകൂടം വനിതാ ശിശു വികസന വകുപ്പിന്റെ കീഴിൽ ഉള്ള വെള്ളിമാട്കുന്ന് ചിൽഡ്രൻസ് കെയർ ഹോമിലും ജെൻഡർ പാർക്കിലും ശ്രദ്ധേയമായ പരിപാടി സംഘടിപ്പിച്ചു. മോക്ക് ഇലക്ഷനുകളിലൂടെയും തിരഞ്ഞെടുപ്പ് പ്രക്രിയയെക്കുറിച്ചുള്ള ചർച്ചകളിലൂടെയും ജനാധിപത്യത്തിന്റെ അടിസ്ഥാന പാഠങ്ങൾ കുട്ടികൾക്ക് ഈ പരിപാടിയിലൂടെ പരിചയപ്പെടുത്തി. വിദ്യാർത്ഥികളിൽ തിരഞ്ഞെടുപ്പ് അവബോധവും ഉത്തരവാദിത്തമുള്ള പൗരബോധവും വളർത്തുന്നതിനും ഈ സംരംഭം വലിയൊരു പരിധി വരെ സഹായകമായി.ഇതിനോടൊപ്പം, കുട്ടികളുടെ സജീവ പങ്കാളിത്തം പ്രോത്സാഹിപ്പിക്കുന്നതിനായി വിവിധ സാംസ്കാരിക പരിപാടികളും സംഘടിപ്പിച്ചു, ഇത് പരിപാടിയെ കൂടുതൽ സജീവവും ആസ്വാദ്യകരവുമായി മാറ്റി