നിര്ത്തിയിട്ട ഗുഡ്സ് ട്രെയിന് മുകളില് കയറി സെല്ഫി എടുക്കാന് ശ്രമിച്ച പയ്യോളി സ്വദേശിയായ പതിനെട്ടുകാരന് ഷോക്കേറ്റു. ഗുരുതരമായി പൊള്ളലേറ്റ സിനാനിനെ കോഴിക്കോട് മെഡിക്കല് കോളജ് ആശുപത്രിയിലെ തീവ്രപരിചരണ വിഭാഗത്തില് പ്രവേശിപ്പിച്ചു.
ഇന്ന് പുലര്ച്ചെ സിനാന് സെല്ഫി എടുക്കാന് ശ്രമിക്കുന്നതിനിടെയാണ് അപകടം. തിക്കോടി റെയില്വേ സ്റ്റേഷന് സമീപത്ത് നിര്ത്തിയിട്ട ഗുഡ്സ് ട്രെയിനിന് മുകളില് കയറി സെല്ഫിയെടുക്കാന് ശ്രമിക്കുന്നതിനിടെ ഗുഡ്സ് ട്രെയിന് മുകളില് നിന്ന് കാലുതെന്നിയതോടെ വൈദ്യുതി ലൈനില് പിടിക്കുകയായിരുന്നു.
