ദേശീയ മെഡിക്കൽ പ്രവേശന പരീക്ഷയായ നീറ്റ്-യുജി മേയ് 3ന് നടക്കും. പരീക്ഷയ്ക്ക് തയാറെടുക്കുന്ന വിദ്യാർത്ഥികൾക്ക് മാർച്ച് 8 വരെ ഓൺ ലൈനായി രജിസ്റ്റർ ചെയ്യാം. അപേക്ഷയിലെ ചില ഭാഗങ്ങളിൽ മാത്രം പിന്നീടു തിരുത്തൽ വരുത്താനുള്ള അവസരം മാർച്ച് 10 മുതൽ 12 വരെ അനുവദിക്കും. പേന, പേപ്പർ മോഡിൽ ഒറ്റ ഷിഫ്റ്റായാണ് പരീക്ഷ. മലയാളം ഉൾപ്പെടെ 13 ഭാഷകളിൽ പരീക്ഷ എഴുതാം. ഈ ഭാഷകളിൽ ചോദ്യ പേപ്പറുകളും ഉണ്ടാകും. കേരളത്തിലും ലക്ഷദ്വീപിലും മാത്രമാണ് മലയാളം ചോദ്യ പേപ്പറുകൾ അനുവദിക്കുക.
ഫിസിക്സ്, കെമിസ്ട്രി, ബയോളജി, ബയോടെക്നോളജി, ഇംഗ്ലിഷ് എന്നിവ പഠിച്ച് പന്ത്രണ്ടാം ക്ലാസ് വിജയിച്ചവർക്കും ഈ വർഷം പന്ത്രണ്ടാം ക്ലാസ് പരീക്ഷ എഴുതുന്നവർക്കും രജിസ്റ്റർ ചെയ്യാം. 2009 ഡിസംബർ 31ന് ശേഷം ജനിച്ചവർക്കാണ് അപേക്ഷിക്കാൻ കഴിയുക. നീറ്റ് യു.ജിക്ക് ഉയർന്ന പ്രായപരിധി ഇല്ല. നാഷണൽ ടെസ്റ്റിങ് ഏജൻസിയുടെ https://neet.nta.nic.in. വെബ്സൈറ്റ് വഴി രജിസ്റ്റർ ചെയ്യണം. മുൻ വർഷത്തേതു പോലെ ഓഫ് ലൈനായാണ് ഈ വർഷവും പരീക്ഷ നടത്തുക.
