വിദ്യാഭ്യാസത്തിനൊപ്പം വിമർശനാത്മക ചിന്തകൾ കൂടി പകർന്നുനൽകി ചോദ്യങ്ങൾ ചോദിക്കാൻ കുട്ടികളെ പ്രാപ്തരാക്കണമെന്ന് നിയമസഭ സ്പീക്കർ എ എൻ ഷംസീർ.
പുതിയങ്ങാടി ഗവ. മാപ്പിള യു.പി സ്കൂളിനായി പ്രിസം പദ്ധതിയിൽ നിർമിച്ച കെട്ടിടം നാടിന് സമർപ്പിക്കുകയായിരുന്നു സ്പീക്കർ. കായിക വിനോദത്തിനായി സ്കൂളുകളിൽ ടർഫ് കോർട്ടുകൾ നിർമിക്കാൻ രക്ഷാകർതൃ സമിതികൾ
മുന്നിട്ടിറങ്ങണമെന്നും വായനക്കായി പ്രത്യേക ഇടങ്ങൾ ഒരുക്കണമെന്നും അദ്ദേഹം പറഞ്ഞു. നാലാംക്ലാസ് വിദ്യാർത്ഥി മുഹമ്മദ് ഫാദി രചിച്ച കവിതാസമാഹാരം ‘മധുമൊഴികൾ’ സ്പീക്കർ പ്രകാശനം ചെയ്തു.
ചടങ്ങിൽ തോട്ടത്തിൽ രവീന്ദ്രൻ എംഎൽഎ അധ്യക്ഷനായി. കോർപറേഷൻ സ്ഥിരംസമിതി അധ്യക്ഷ സാറ ജാഫർ, കൗൺസിലർമാരായ പി പ്രസീന, കെ സരിത, ഉപജില്ലാ വിദ്യാഭ്യാസ ഓഫീസർ കെ ലുക്മാൻ, പ്രധാനാധ്യാപകൻ ടി അശോക് കുമാർ, പി.ടി.എ പ്രസിഡന്റ് പി ടി നവാസ്, കെ സുബൈർ, കെ രാധാകൃഷ്ണൻ, കെ സി നിഷ, പി ഷാലി ഫ്രാൻസിസ്, കെ ജെറീഷ്, പി പി നാസർ, റിഷാദ്, ലിവിൻസ്, പികെ ഗണേശൻ, എം സാമി, എസ് വി ഷൗലീക്ക്, ഗിനി വാളിക്കണ്ടി എന്നിവർ സംസാരിച്ചു
എ പ്രദീപ്കുമാർ എംഎൽഎ ആയിരിക്കെ അനുവദിച്ച 2.54 കോടി രൂപയും തോട്ടത്തിൽ രവീന്ദ്രൻ എംഎൽഎയുടെ ആസ്തി വികസനഫണ്ടിൽനിന്നുള്ള 59 ലക്ഷം രൂപയും ചെലവിട്ടാണ് കെട്ടിട നിർമ്മാണം പൂർത്തീകരിച്ചത്.
