വിദ്യാഭ്യാസം കൊണ്ട് മാത്രമേ സാമൂഹിക പുരോഗതി കൈവരിക്കാനാവുകയുള്ളുവെന്ന് ഡൽഹിയിലെ ഹ്യൂമൺ റിസോഴ്സ് ഡെവലപ്മെൻ്റ് (HRDF) ചെയർമാൻ ഡോ.ഹുസൈൻ മടവൂർ പറഞ്ഞു. ബീഹാറിലെ എച്ച്ആർഡിഎഫ് പബ്ലിക് സ്കൂളിൽ ഉന്നത വിജയം നേടിയ വിദ്യാർത്ഥികളെ ആദരിക്കൽ ചടങ്ങിൽ സംസാരിക്കുകയായിരുന്നു അദ്ദേഹം. രണ്ട് പതിറ്റാണ്ട് കാലമായി ഉത്തരേന്ത്യൻ ഗ്രാമങ്ങളിൽ വിദ്യാഭ്യാസ ജീവകാരുണ്യ പ്രവർത്തനങ്ങൾ നടത്തുന്ന എച്ച് ആർ ഡി എഫ് കൂടുൽ പരിഗണന നൽകുന്നത് വിദ്യാഭ്യാസ പ്രവർത്തനങ്ങൾക്കാണെന്ന് അദ്ദേഹം പറഞ്ഞു. സ്കൂൾ പരീക്ഷകളിൽ ഉന്നത വിജയം നേടിയ കുട്ടികളെ ആദരിക്കൽ, വിദ്യാർത്ഥികളുമായി സംവദിക്കൽ, അദ്ധ്യാപകരും അനദ്ധ്യാപകരുമായി കൂടിക്കാഴ്ച,
എച്ച്ആർഡിഎഫ് ദത്തെടുത്ത അനാഥക്കുട്ടികളെ നേരിൽകാണൽ, വിധവകൾക്ക് വേണ്ടി നിർമ്മിക്കുന്ന വീട് നിർമ്മാണ പുരോഗതി വിലയിരുത്തൽ, അടുത്ത വർഷത്തേക്കുള്ള പ്ലാനിംഗ് പരിശോധിക്കൽ തുടങ്ങിയ പരിപാടികളിൽ ചെയർമാൻ ഡോ. മടവൂർ പങ്കെടുത്തു.
പ്രിൻസിപ്പാൾ കെ.പി ഫിറോസ് നേതൃത്വം നൽകി. ചെയർമാൻ ഹുസൈൻ മടവൂർ ഇടക്കിടക്ക് തങ്ങളെവന്നു കാണുന്നത് സന്തോഷകരമായ കാര്യമാണെന്ന് വിദ്യാർത്ഥികൾ പറഞ്ഞു. കിഷങ്ഗഞ്ചിലെ ഇമാം ബുഖാരി യൂണിവേഴ്സിറ്റിയും അതിൻ്റെ ഗവേർണിംഗ് കമ്മിറ്റി അംഗമായ ഹുസൈൻ മടവൂർ സന്ദർശിച്ചു. നേരത്തെ മുർശിദാബാദിലെ മസ്ജിദ് മുസ്തഫാ ഹാജിയുടെ ഉദ്ഘാടനത്തിൽ പങ്കെടുത്തു. ബംഗാളിലെ ഹരിശ്ചന്ദ്രപൂരിലെഎച്ച്ആർഡിഎഫ് കോ ഓറ്ററായ മൗലാനാ അമീനുദ്ദീൻ സാഹിബിൻ്റെ പുത്രൻ വസീം അക്റം നിയമപഠനം പൂർത്തിയാക്കി സുപ്രീം കോടതിയിൽ അഭിഭാഷകൻ ആയി എൻറോൾ ചെയ്തതിൽ അദ്ദേഹത്തെയും ആദരിച്ചു.
ഹുസൈൻ മടവൂരിൻ്റെ രണ്ട് ദിവസത്തെ ബംഗാൾ ബീഹാർ സന്ദർശനത്തിൽ നീലേശ്വരം സ്വദേശി മുനീർ സാഹിബും മകൻ മൂമിൻ മുനീറും കൂടെയുണ്ടായിരുന്നു. സ്കൂളിൽ നടന്ന ആദരിക്കൽ ചടങ്ങിൽ വടകര സ്വദേശി അബ്ദുല്ലാ സാഹിബും പങ്കെടുത്തു.
