തിരുവങ്ങൂർ ഹയർസെക്കൻഡറി സ്കൂളിൽ പൊതുപരീക്ഷക്ക് മുന്നോടിയായി വിജയ പഥം പ്രത്യേക പരിശീലനം ആരംഭിച്ചു

തിരുവങ്ങൂർ: തിരുവങ്ങൂർ ഹയർസെക്കൻഡറി സ്കൂളിൽ പൊതുപരീക്ഷക്ക് മുന്നോടിയായി വിജയ പഥം പ്രത്യേക പരിശീലനം ആരംഭിച്ചു. സ്കൂൾ പ്രിൻസിപ്പൽ ടീ കെ ഷെറീന സ്വാഗതം പറഞ്ഞ ചടങ്ങിൽ വാർഡ് മെമ്പർ നിർമ്മല സി.പി ഉദ്ഘാടനം ചെയ്തു. പി ടീ എ പ്രസിഡൻ്റ് ഫാറൂഖ് അധ്യക്ഷം വഹിച്ചു. വിജയോത്സവം കൺവീനർ ഹരികൃഷ്ണൻ പരിയാരത്ത് ക്യാമ്പ് പ്രവർത്തനങ്ങൾ വിശദീകരിച്ചു. ഷിജു പി,SMC ചെയർമാൻ , അധ്യാപിക ജീജ എ പി ആശംസ അറിയിച്ചു. സ്റ്റാഫ് സെക്രട്ടറി ബിജിത്ത് ആര് സി നന്ദി പ്രകാശിപ്പിച്ചു. സയൻസ്, കൊമേഴ്സ്, ഹ്യുമാനിറ്റീസ് വിഭാഗങ്ങളിലെ പഠനത്തിൽ പിന്നാക്കം നിൽക്കുന്ന കുട്ടികൾക്ക് ആണ് പരിശീലനം. രാവിലെ ഒമ്പത് മണി മുതൽ വൈകിട്ട് ആറ് മണിവരെ ആണ് ക്ലാസുകൾ. അധ്യാപകരുടെ നേതൃത്വത്തിൽ നൂറോളം കുട്ടികൾക്ക് ആണ് പരിശീലനം നൽകുന്നത്..