മേപ്പയ്യൂർ: ചെവ്വാഴ്ച വൈകിട്ട് മേപ്പയ്യൂർ ടൗണിലെ സിറ്റി മെഡിക്കൽസിനു മുൻമ്പിൽ വെച്ച് നഷ്ടപ്പെട്ട ഒരു തുക അതിന്റെ ഉടമസ്ഥനെ തിരികെ ഏല്പിച്ചു കൊണ്ട് മേപ്പയ്യൂരിലെ വ്യാപാരി വ്യവസായികളുടെയും നാട്ടുകാരുടെയും അഭിനന്ദനങ്ങളും അനുമോദനങ്ങളും ഏറ്റു വാങ്ങിയിരിക്കയാണ് മേപ്പയൂരിലെ കച്ചവടക്കാനും മുസ്ലിം ലീഗ് പ്രവർത്തകനുമായ മേപ്പാട്ട് അബ്ദുറഹ്മാൻ. എല്ലാവരുടെയും സാന്നിധ്യത്തിൽ പണം നഷ്ടപ്പെട്ട കമ്മന സൂപ്പിക്ക് തുക കൈമാറി. ചടങ്ങിൽ വ്യാപാരി വ്യവസായി ഏകോപന സമിതി ജില്ലാ സെക്രട്ടറി ഷംസുദ്ദീൻ കമ്മന, മേപ്പയ്യൂർ പഞ്ചായത്ത് മുസ്ലിം ലീഗ് സെക്രട്ടറി മുജീബ് കോമത്ത്, മേപ്പയ്യൂർ യുണിറ്റ് വ്യാപാരി വ്യവസായി ഏകോപന സമിതി ജന: സെക്രട്ടറി രാജൻ ഒതയോത്ത്, കെ.കെ രജീഷ്, കെ.വി നിഷാജ്, കുന്തിമ കുഞ്ഞിക്കണ്ണൻ, തുടങ്ങി നിരവധി വ്യാപാര പ്രതിനിധികളും നാട്ടുകാരും ചടങ്ങിൽ സംബന്ധിച്ചു.
നഷ്ടപ്പെട്ട തുക ഉടമയ്ക്ക് തിരികെ നൽകി; മേപ്പാട്ട് അബ്ദുറഹ്മാനെ അഭിനന്ദിച്ച് മേപ്പയ്യൂർ
