കോൺഫിഡന്റ് ഗ്രൂപ്പ് ചെയർമാൻ സി. ജെ. റോയിക്ക് നിരവധി പേർ ആദരാഞ്ജലി അർപ്പിച്ചു. ബനാർഗട്ടയിലെ റിസോർട്ടിൽ പൊതുദർശനം തുടരുകയാണ്. സംസ്കാരം വൈകിട്ടാണ് നടക്കുക.
ഇതിനിടെ കേസുമായി ബന്ധപ്പെട്ട നിർണായക സിസി ടിവി ദൃശ്യങ്ങളുടെ വിവരങ്ങൾ പുറത്തുവന്നു. ആദായനികുതി വകുപ്പ് ഉദ്യോഗസ്ഥർ റോയിയെ ചോദ്യം ചെയ്യുന്ന ദൃശ്യങ്ങൾ സിസി ടിവിയിൽ ഇല്ലെന്നും, റോയിയും ഉദ്യോഗസ്ഥരും തമ്മിൽ വാക്കുതർക്കം ഉണ്ടായതായ തെളിവുകളും ലഭിച്ചിട്ടില്ലെന്നും അന്വേഷണ വൃത്തങ്ങൾ അറിയിച്ചു.
കേസിൽ ആദായനികുതി ഉദ്യോഗസ്ഥരുടെ മൊഴി പൊലീസ് രേഖപ്പെടുത്തി. റോയിയുടെ സഹപ്രവർത്തകരിൽ നിന്നും കുടുംബാംഗങ്ങളിൽ നിന്നും വിവരങ്ങൾ ശേഖരിച്ചു. ഐടി ഉദ്യോഗസ്ഥർ ഭീഷണിപ്പെടുത്തിയെന്ന പരാതിയിൽ ശാസ്ത്രീയ തെളിവുകൾ കണ്ടെത്തുന്നതിനായി റോയിയുടെ ഫോൺ ഉൾപ്പെടെ പരിശോധനയ്ക്ക് വിധേയമാക്കും. വെടിയുണ്ടയുടെ ഫോറൻസിക് പരിശോധനയും ആരംഭിച്ചിട്ടുണ്ട്.
