മേപ്പയ്യൂർ:അപരവൽക്കരണത്തിലൂടെ ജനതയെ നിശബ്ദരാക്കുകയും സ്മൃതി നാശം പ്രോത്സാഹിപ്പിക്കുകയും ചെയ്യുന്ന
ഫാസിസ്റ്റ് കാലം വാഴുന്ന കാലമാണിത്. ജീവിച്ചിരിപ്പുണ്ടെന്ന തിരിച്ചറിവ് തന്നെ പ്രതിരോധ പ്രവർത്തനമാണെന്നും, ജനാധിപത്യവും മതേതരത്വവും കാത്തുസൂക്ഷിക്കാൻ ഉണർന്നിരിക്കുന്ന വാക്കായി കവിത മാറുമെന്നും പ്രശസ്ത എഴുത്തുകാരിയും പ്രഭാഷകയുമായ ഡോ. മിനി പ്രസാദ് അഭിപ്രായപ്പെട്ടു. റിഥം ആർട്ടിസ്റ്റ് കളക്ടീവ് മേപ്പയ്യൂർ സംഘടിപ്പിച്ച സുധീരബാബുവിന്റെ കവിതാസമാഹാരമായ സൗഗന്ധികങ്ങളുടെ പ്രകാശന ചടങ്ങ് ഉദ്ഘാടനം ചെയ്ത് സംസാരിക്കുകയായിരുന്നു മിനിപ്രസാദ്.
പി.കെ. പ്രിയേഷ് കുമാർ അധ്യക്ഷത വഹിച്ചു.
പ്രശസ്ത കവി ഡോ.സോമൻ കടലൂർ പുസ്തകപ്രകാശനം നിർവഹിച്ചു. മേപ്പയ്യൂർ ഗ്രാമപഞ്ചായത്ത് പ്രസിഡന്റ് ടി. നിബിതപുസ്തകം ഏറ്റുവാങ്ങി. സോമൻ കടലൂർ പുസ്തക പരിചയം നിർവഹിച്ചു.
പ്രദീപൻ പാമ്പിരികുന്ന് സ്മാരക കവിതാരചനാ മത്സര വിജയികൾക്ക് ക്യാഷ് അവാർഡും സാക്ഷ്യപത്രവും ഡോ. മിനി പ്രസാദ് വിതരണം ചെയ്തു. പഞ്ചായത്ത് പ്രസിഡന്റ് ടി. നബിത,
ഗ്രാമപഞ്ചായത്തംഗം പ്രസന്നകുമാരി ചൂരപ്പറ്റ, മേപ്പയ്യൂർ ബാലൻ, ശ്രീജീഷ് ചെമ്മരൻ, സ്നേഹ അമ്മാറത്ത്, കെ.കെ. സുനിൽകുമാർ, സജീവൻ മാണിയോട്ട് അശോകൻ തായാട്ട്, ബൈജു മേപ്പയ്യൂർ, കെ. കൗമുദി എന്നിവർ സംസാരിച്ചു.
തുടർന്ന് നടന്ന ഗായകൻ ജയചന്ദ്രൻ സ്മൃതിയിൽ
എ.സുബാഷ് കുമാർ അനുസ്മരണ ഭാഷണം നടത്തി. റിഥം കലാകാരൻമാർ അവതരിപ്പിച്ച സംഗീത സന്ധ്യയിൽ ഫ്ലവേഴ്സ്ടോപ് സിംഗർ ഫെയിം അർജിത രതീഷ്, ശ്രീദർശ് എന്നിവരും പങ്കെടുത്തു.
