കേരള വിഷൻ കേബിൾ ടിവി ഓപ്പറേറ്റേഴ് അസോസിയേഷൻ (സി ഒ എ) കൊയിലാണ്ടി മേഖല സമ്മേളനത്തിൻ്റെ ഭാഗമായി കൊല്ലം ലേക്ക് വ്യൂ ഓഡിറ്റോറിയത്തിൽ നടന്ന കുടുംബ സംഗമം കൊയിലാണ്ടി നഗരസഭ ചെയർപേഴ്സൺ യൂകെ ചന്ദ്രൻ കുടുംബ സംഗമം ഉദ്ഘാടനം ചെയ്തു. സി ഒ എ മേഖല പ്രസിഡൻ്റ് എം അബ്ദുൾറഹിമാൻ ചടങ്ങിൽ അധ്യക്ഷനായി. നഗരസഭ കൗൺസിലർ തെസ്ലീന, സി ഒ എ ജില്ലാ പ്രസിഡണ്ട് കെ പി സത്യനാഥൻ എന്നിവർ ആശംസകളർപ്പിച്ച് സംസാരിച്ചു. ചടങ്ങിൽ ഉന്നത വിജയം നേടിയ വിദ്യാർത്ഥികളെ ആദരിച്ചു. സി ഒ എ ജില്ലാ പ്രസിഡണ്ട് കെ പി സത്യനാഥൻ, ജയദേവ് കെ എസ് , റെജിൽ വി ആർ, പി ബിജു, ഉഷാ മനോജ്, ഇ ജയനാരായണൻ എന്നിവർ സാന്നിധ്യമരുളി. സ്വാഗത സംഘം ജനൽ കൺവീനർ സതീശൻ പൊയിൽക്കാവ് സ്വാഗതവും സി ഒ എ മേഖലാ സെക്രട്ടറി പി ശ്രീരാജ് നന്ദിയും പ്രകടിപ്പിച്ചു. ഉദ്ഘാടനത്തിന് ശേഷം ശ്രീജിത്ത് വിയ്യൂരിൻ്റെ മാജിക്ക് ഷോയും കൊയിലാണ്ടി യേശുദാസും തേജാ ലക്ഷ്മിയും നയിച്ച ഗാനമേളയും അരങ്ങേറി. തുടർന്ന് കലാ കൗതുക മത്സരങ്ങളും അരങ്ങേറി.
കേരള വിഷൻ കേബിൾ ടിവി ഓപ്പറേറ്റേഴ് അസോസിയേഷൻ കൊയിലാണ്ടി മേഖല സമ്മേളനത്തിൻ്റെ ഭാഗമായി കുടുംബ സംഗമം സംഘടിപ്പിച്ചു
