കൊയിലാണ്ടി : കൊയിലാണ്ടി റെയില്വേ സ്റ്റേഷന് റോഡില് ഇരു ചക്ര വാഹനത്തില് സഞ്ചരിച്ച യാത്രക്കാരനെ ഇടിച്ചിട്ട വാഹനം നിര്ത്താതെ പോയതായി പരാതി. കുന്നത്തറ അരട്ടന് കണ്ടി അനീഷി(46)നെയാണ് ജനുവരി ഒന്പതിന് രാത്രി 8.45ന് ഒരു സ്കൂട്ടര് യാത്രക്കാരന് ഇടിച്ചിട്ടത്. തിരഞ്ഞെടുപ്പ് ബി എല് ഒ ആണ് അനീഷ്. ഭാര്യയെ റെയില്വേ സ്റ്റേഷനില് എത്തിക്കാന് പോയതായിരുന്നു അനീഷ്. കൊയിലാണ്ടി ഫയര് സ്റ്റേഷന് മുന്നിലായിരുന്നു അപകടം. പരിക്കേറ്റ അനീഷിനെ ഫയര് സ്റ്റേഷന് ജീവനക്കാരാണ് അവരുടെ ആംബുലന്സില് ആശുപത്രിയിലെത്തിച്ചത്. ഈ സമയത്ത് ഇടിച്ച വാഹനവുമായി യുവാവ് കടന്നു കളയുകയായിരുന്നു. കൊയിലാണ്ടി പോലീസില് പരാതി നല്കിയെങ്കിലും ഇടിച്ചിട്ട വാഹനം കണ്ടെത്താന് ഇതുവരെ ആയിട്ടില്ല. അപകടത്തില് അനിഷിന്റെ കാലിന്റെ എല്ല് പൊട്ടിയിരുന്നു.പോലീസ് സി സി ടി വി ദൃശ്യങ്ങള് പരിശോധിക്കുന്നുണ്ട്.
വാഹനാപകടം ഉണ്ടാക്കിയ ഇരു ചക്രവാഹനക്കാരന് കടന്നു കളഞ്ഞതായി പരാതി
