നടുവണ്ണൂർ: മുതിർന്ന പൗരന്മാരുടെ നിഷേധിക്കപ്പെട്ട റെയിൽവേ ആനുകൂല്യം ഉടനെ പുന:സ്ഥാപിക്കണമെന്നും, 70 പിന്നിട്ടവർക്കുള്ള സൗജന്യ ആരോഗ്യ ഇൻഷുറൻസ് പദ്ധതി പി.എം.ജെ .എ .വൈ കേരളത്തിലും നടപ്പിലാക്കണമെന്നും, സീനിയർ സിറ്റിസൺസ് ഫോറം ജില്ലാ സമ്മേളനം സർക്കാരിനോട് ആവശ്യപ്പെട്ടു. നടുവണ്ണൂരിൽ നടന്ന സമ്മേളനം സംസ്ഥാന പ്രസിഡണ്ട് എൻ. ഗോപിനാഥൻ പിള്ള ഉദ്ഘാടനം ചെയ്തു. ജില്ലാ പ്രസിഡണ്ട് ഇ.കെ.അബൂബക്കർ മാസ്റ്റർ അധ്യക്ഷത വഹിച്ചു
മുതിർന്ന അംഗങ്ങളായ ഇ.അച്യുതൻ നായർ, കുഞ്ഞികൃഷ്ണൻ നായർ ശോഭാ നിവാസ്, ശങ്കരൻ ഗുരുക്കൾ യോഗീ മഠം ,രാഘവൻ നായർ എടവനപ്പുറം, ഡോക്ടർ എ. എം ശങ്കരൻ നമ്പൂതിരി എന്നിവരെ ആദരിച്ചു
കൗൺസിൽ മീറ്റിംഗ് സംസ്ഥാന സെക്രട്ടറി പി. കുമാരൻ ഉദ്ഘാടനം ചെയ്തു. സെക്രട്ടറി സോമൻ ചാലിൽ വാർഷിക റിപ്പോർട്ടും, ട്രഷറർ പി കെ രാമചന്ദ്രൻ നായർ വരവ് ചെലവ് കണക്കും അവതരിപ്പിച്ചു.
തുടർന്ന് പുതുവർഷ ഭാരവാഹികളായി സോമൻ ചാലിൽ (പ്രസിഡണ്ട്) കെ.എം ശ്രീധരൻ (സെക്രട്ടറി) പി കെ രാമചന്ദ്രൻ നായർ(ട്രഷറർ) എന്നിവരെ തെരഞ്ഞെടുത്തു.
