പക്ഷാഘാതത്തെ തുടർന്ന് ചികിത്സയിലായിരുന്ന പോലീസ് ഉദ്യോഗസ്ഥൻ മരിച്ചു

അത്തോളി :പക്ഷാഘാതത്തെ തുടർന്ന് ചികിത്സയിലായിരുന്ന പോലീസ് ഉദ്യോഗസ്ഥൻ മരിച്ചു.
ചേവായൂർ പോലീസ് സ്റ്റേഷൻ സബ് ഇൻസ്പെക്ടർ ചോയികുളം എടങ്കാട്ടുകര മീത്തൽ സന്ദീപ് ( 53) ആണ് വ്യാഴാഴ്ച ഉച്ചക്ക് സ്വകാര്യ ആശുപത്രിയിൽ മരിച്ചത്. ഇക്കഴിഞ്ഞ ചൊവ്വാഴ്ച പോലീസ് സ്റ്റേഷനിൽ നിന്നും ഉച്ചക്ക് 1.30 ഓടെ കടുത്ത തലവേദനയെ തുടർന്ന് സഹ പ്രവർത്തകർ നിർമ്മല ഹോസ്പിറ്റലിൽ പ്രവേശിപ്പിച്ചത്. സ്കാനിങ് റിപ്പോർട്ടിൽ സ്ട്രോക്ക് കണ്ടെത്തിയതിനെ തുടർന്ന് ബേബി ഹോസ്പിറ്റലിലേക്ക് മാറ്റുകയായിരുന്നു. വെൻ്റിലേറ്ററിലായിരുന്നു. വ്യാഴാഴ്ച ഒന്നരയോടെ മരണം സംഭവിച്ചു.
രണ്ട് മണിയോടെ മൃതദേഹം സിറ്റി പോലീസ് കൺട്രോൾ റൂമിൽ പൊതുദർശനത്തിന് വെച്ചു.നോർത്ത് സോൺ
ഐ ജി രാജ് പാൽ മീണ ,സിറ്റി പോലീസ് കമ്മീഷണർ ടി നാരായണൻ, ഡി സി പി അരുൺ കെ പവിത്രൻ ഉൾപ്പെടെ ഉന്നത ഉദ്യോഗസ്ഥരും സഹപ്രവർത്തകരും അന്തിമോപചാരം അർപ്പിച്ചു.
വൈകീട്ട് വീട്ടു വളപ്പിൽ ഔദ്യോഗിക ബഹുമതികളോടെ സംസ്ക്കരിച്ചു.
ഭാര്യ – നിഷ , മകൻ – ആദിത്യൻ ( കാർഷിക കോളജ് വിദ്യാർഥി).
പോലീസ് അസോസിയേഷൻ വയനാട് ജില്ലാ മുൻ സെക്രട്ടറിയും എറണാകുളം പോലീസ് ഹൗസിംഗ് സഹകരണ സംഘം മുൻ ഡയറക്ടറുമായിരുന്നു.