അനധികൃതമായി ഓണ്ലൈനില് മരുന്ന് വില്പ്പന നടത്തിയ സ്ഥാപനത്തിനെതിരെ ആദ്യമായി നടപടി സ്വീകരിച്ച് സംസ്ഥാന ഡ്രഗ്സ് കണ്ട്രോള് വകുപ്പ്. നോര്ത്ത് പറവൂര് പൂശ്ശാരിപ്പടിയിലുള്ള ജെജെ മെഡിക്കല്സ് എന്ന സ്ഥാപനത്തിനെതിരേയാണ് നടപടി സ്വീകരിച്ചത്. പരിശോധനാ വേളയില് ഡോക്ടറുടെ കുറിപ്പടിയില്ലാതെ MANforce 50, MANforce 100, VIGORE 100 എന്നീ മരുന്നുകള് പര്ച്ചേസ് ബില് ഇല്ലാതെ വാങ്ങുകയും ഓണ്ലൈനായി വില്പ്പന നടത്തിയതായും കണ്ടെത്തി. കേരളത്തില് ഇതാദ്യമായാണ് അനധികൃതമായി ഓണ്ലൈനില് മരുന്ന് വില്പ്പന നടത്തിയ സ്ഥാപനത്തിനെതിരെ ഡ്രഗ്സ് & കോസ്മെറ്റിക്സ് ആക്ട് 1940 പ്രകാരം നിയമ നടപടി സ്വീകരിക്കുന്നത്. കണ്ടെടുത്ത മരുന്നുകളും അനുബന്ധ രേഖകളും നോര്ത്ത് പറവൂര് ജുഡീഷ്യല് ഫസ്റ്റ് ക്ലാസ്സ് മജിസ്ട്രേറ്റ് കോടതിയില് ഹാജരാക്കി.
അനധികൃതമായി ഓണ്ലൈനില് മരുന്ന് വില്പ്പന നടത്തിയ സ്ഥാപനത്തിനെതിരെ നടപടി സ്വീകരിച്ച് സംസ്ഥാന ഡ്രഗ്സ് കണ്ട്രോള് വകുപ്പ്
