സംസ്ഥാന പൊതുവിദ്യാഭ്യാസ മന്ത്രി വി. ശിവൻകുട്ടി ഇന്ന് വൈകുന്നേരം മൂന്ന് മണിക്ക് കേന്ദ്ര വിദ്യാഭ്യാസ മന്ത്രി ധർമ്മേന്ദ്ര പ്രധാനുമായി കൂടിക്കാഴ്ച നടത്തും. വൈകിട്ട് മൂന്ന് മണിക്ക് ഡൽഹിയിലെ കേന്ദ്രമന്ത്രിയുടെ വസതിയിലാണ് നിർണായകമായ കൂടിക്കാഴ്ച നടക്കുക. അദ്ദേഹത്തിന്റെ വസതിയിൽ കൂടിക്കാഴ്ച നടത്തും. എസ്.എസ്.കെ. (സമഗ്ര ശിക്ഷാ കേരളം) അടക്കമുള്ള വിവിധ വിദ്യാഭ്യാസ പദ്ധതികൾക്കായി സംസ്ഥാനത്തിന് ലഭിക്കാനുള്ള സാമ്പത്തിക സഹായം സംബന്ധിച്ച കാര്യങ്ങൾ കൂടിക്കാഴ്ചയിൽ പ്രധാനമായും ചർച്ചയാകും.
സംസ്ഥാനത്തെ പൊതുവിദ്യാഭ്യാസ മേഖലയിൽ ആശങ്കകൾ നിലനിൽക്കുന്നതിനാലാണ് പി.എം ശ്രീ പദ്ധതി തൽക്കാലം നടപ്പാക്കേണ്ടതില്ലെന്ന് സർക്കാർ തീരുമാനിച്ചത്. ഈ തീരുമാനം കേന്ദ്രത്തെ അറിയിച്ചതിന് ശേഷമാണ് മന്ത്രിതല ചർച്ച നടക്കുന്നത്. സംസ്ഥാനത്തിന്റെ നിലപാടും ആശങ്കകളും വി. ശിവൻകുട്ടി കേന്ദ്രമന്ത്രിയെ നേരിട്ട് ധരിപ്പിക്കും.
കൂടാതെ, സംസ്ഥാനത്ത് ഗണഗീതം ആലപിച്ച സംഭവത്തിൽ വിശദമായ അന്വേഷണം ആവശ്യപ്പെട്ടുകൊണ്ട് വിദ്യാഭ്യാസ മന്ത്രി വി. ശിവൻകുട്ടി കേന്ദ്രമന്ത്രിക്ക് കത്ത് നൽകുകയും ചെയ്യും.
