കേരള പോലീസ് ഓഫീസേഴ്സ് അസോസിയേഷൻ കോഴിക്കോട് റൂറൽ ജില്ലാ കമ്മിറ്റി പോലീസ് ഉദ്യോഗസ്ഥർ അനുഭവിക്കുന്ന പ്രതിസന്ധികൾ, പരിഹാര മാർഗ്ഗങ്ങൾ എന്ന വിഷയത്തിൽ ജില്ലാ തല ശില്പശാല സംഘടിപ്പിച്ചു.ജില്ലാ പോലിസ് സൂപ്രണ്ട് കെ.ഇ ബൈജു ഉദ്ഘാടനം ചെയ്തു. കോഴിക്കോട് റൂറൽ അഡീഷണൽ എസ്.പി ഏ.പി. ചന്ദ്രൻ , കേരള പോലിസ് അസോസിയേഷൻ ജില്ലാ സെക്രട്ടറി രജീഷ് ചെമ്മേരി , കെ പി ഒ എ സംസ്ഥാന ജോ:സെക്രട്ടറി രമേശൻ വെള്ളോറ , ജില്ലാ സെക്രട്ടറി വി.പി ശിവദാസൻ, സംസ്ഥാന ജോ: സെക്രട്ടറി ജി എസ് ശ്രീജിഷ് , സംസ്ഥാന കമ്മിറ്റി അംഗം ഏ. വിജയൻ എന്നിവർ സംസാരിച്ചു. പോലിസ് സ്റ്റേഷനുകൾ സേവന കേന്ദ്രങ്ങളും പരിരക്ഷയുമുറപ്പാക്കുന്ന കേന്ദ്രങ്ങളായി മാറാൻ അംഗസംഖ്യയും ഭൗതിക സാഹചര്യങ്ങളും ഉയർത്തണമെന്നും, പോലിസിൽ നിയമന യോഗ്യത ഡിഗ്രിയും, കംപ്യൂട്ടർ പരിജ്ഞാനവും നൽകി ഒറ്റ കേഡർ നിയമനം നടപ്പാക്കി പ്രൊമോഷൻ സാധ്യതകൾ വർദ്ദിപ്പിക്കുകയാണ് വേണ്ടതെന്നുമുള്ള നിരവധി നിർദ്ദേശങ്ങൾ ചർച്ചയിൽ ഉയർന്നു വന്നു. കെ പി ഒ എ ജില്ലാ ട്രഷറർ എം. രഞ്ജിഷ് അധ്യക്ഷത വഹിച്ചു. സംസ്ഥാന നിർവ്വാഹക സമിതി അംഗം പി. മുഹമ്മദ് സ്വാഗതവും കെ പി ഒ എ ജില്ലാ ജോ: സെക്രട്ടറി കെ.കെ. ഗിരീഷ് നന്ദിയും പറഞ്ഞു.
പോലിസ് അംഗസംഖ്യ ഉയർത്തണം,മാനസിക സംഘർഷം ലഘൂകരിക്കണം
