2026 ലെ പൊതു അവധി ദിനങ്ങൾക്ക് മന്ത്രിസഭയുടെ അംഗീകാരം. നെഗോഷ്യബിൾ ഇൻസ്ട്രമെന്റ് ആക്ട് പ്രകാരമുള്ള അവധികളും അംഗീകരിച്ചതിൽ ഉൾപ്പെടും. നെഗോഷ്യബിൾ ഇൻസ്ട്രുമെന്റ് ആക്ട് അനുസരിച്ചുള്ള പട്ടികയിൽ പെസഹാ വ്യാഴം കൂടി ഉൾപ്പെടുത്തി.
തൊഴിൽ നിയമം-ഇൻഡസ്ട്രിയൽ ഡിസ്ക്യൂട്ട്സ് ആക്ട്സ്, കേരള ഷോപ്പ്സ് ആൻഡ് കൊമേഷ്യൽ എസ്റ്റാബ്ലിഷ്മെന്റ്റ് ആക്ട്, മിനിമം വേജസ് ആക്ട് മുതലായവയുടെ പരിധിയിൽ വരുന്ന സ്ഥാപനങ്ങൾക്ക് കേരള ഇൻഡസ്ട്രിയൽ എസ്റ്റാബ്ലിഷ്മെൻ്റ് (നാഷണൽ ആൻഡ് ഫെസ്റ്റിവൽ ഹോളിഡേയ്സ്) നിയമം 1958 ന്റെ കീഴിൽ വരുന്ന അവധികൾ മാത്രമേ ബാധകമായിരിക്കുകയുള്ളൂ. മാർച്ച് നാല് ബുധനാഴ്ച ഹോളി ദിനത്തിൽ ന്യൂഡൽഹിയിലെ പൊതുമേഖലാ സ്ഥാപനങ്ങൾ ഉൾപ്പെടെയുള്ള സംസ്ഥാന സർക്കാർ ഓഫീസുകൾക്ക് അവധി അനുവദിക്കും. നെഗോഷ്യബിൾ ഇൻസ്ട്രുമെന്റ് ആക്ട് അനുസരിച്ച് 22 അവധിയാണ് ഉള്ളത്. ഇതിൽ മൂന്ന് ഞായറാഴ്ചയും ഉൾപ്പെടും.
അവധി ദിനങ്ങൾ:
ജനുവരി 2 മന്നം ജയന്തി, ജനുവരി 26 റിപ്പബ്ലിക് ദിനം, മാർച്ച് 20 ഈദുൽ ഫിത്തർ, ഏപ്രിൽ 2 പെസഹ വ്യാഴം, ഏപ്രിൽ 3 ദുഖവെള്ളി, ഏപ്രിൽ 14 അംബേദ്കർ ജയന്തി, ഏപ്രിൽ 15 വിഷു, മെയ് 1 മെയ് ദിനം, മെയ് 27 ബക്രീദ്, ജൂൺ 25 മുഹറം, ഓഗസ്റ്റ് 12 കർക്കടകവാവ്, ഓഗസ്റ്റ് 15 സ്വാതന്ത്ര്യ ദിനം, ഓഗസ്റ്റ് 25 ഒന്നാം ഓണം/നബി ദിനം, ഓഗസ്റ്റ് 26 തിരുവോണം, ഓഗസ്റ്റ് 27 മൂന്നാം ഓണം, ഓഗസ്റ്റ് 28 നാലാം ഓണം /ശ്രീനാരായണഗുരു ജയന്തി/ അയ്യങ്കാളി ജയന്തി, സെപ്റ്റംബർ 4 ശ്രീകൃഷ്ണ ജയന്തി, സെപ്റ്റംബർ 21 ശ്രീനാരായണഗുരു സമാധി, ഒക്ടോബർ 2 ഗാന്ധി ജയന്തി, ഒക്ടോബർ 20 മഹാനവമി, ഒക്ടോബർ 21 വിജയദശമി, ഡിസംബർ 25 ക്രിസ്മസ്.
പൊതു അവധിയായ ഞായർ ദിവസങ്ങളിൽ വരുന്നതിനാൽ ഫെബ്രുവരി 15 മഹാശിവരാത്രി, ഏപ്രിൽ 5 ഈസ്റ്റർ, നവംബർ 8 ദീപാവലി എന്നി അവധി ദിവസങ്ങൾ പട്ടികയിൽ ഉൾപ്പെടുത്തിയിട്ടില്ല.
നെഗോഷ്യബ്ൾ ഇൻസ്ട്രുമെൻ്റ് ആക്ട് അനുസരിച്ചുള്ള അവധി
ജനുവരി 2 മന്നം ജയന്തി, ജനുവരി 26 റിപ്പബ്ലിക് ദിനം, മാർച്ച് 20 ഈദുൽ ഫിത്തർ, ഏപ്രിൽ 1 ബാങ്ക് വാർഷിക കണക്കെടുപ്പ്, ഏപ്രിൽ 2 പെസഹ വ്യാഴം, ഏപ്രിൽ 3 ദുഖവെള്ളി, ഏപ്രിൽ 14 അംബേദ്കർ ജയന്തി, ഏപ്രിൽ 15 വിഷു, മെയ് 1 മെയ് ദിനം, മെയ് 27 ബക്രീദ്, ഓഗസ്റ്റ് 15 സ്വാതന്ത്ര്യ ദിനം, ഓഗസ്റ്റ് 25 ഒന്നാം ഓണം/നബിദിനം, ഓഗസ്റ്റ് 26 തിരുവോണം, ഓഗസ്റ്റ് 28 ശ്രീനാരായണ ഗുരു ജയന്തി/ അയ്യങ്കാളി ജയന്തി, സെപ്റ്റംബർ 4 ശ്രീകൃഷ്ണ ജയന്തി, സെപ്റ്റംബർ 21 ശ്രീനാരായണ ഗുരു സമാധി, ഒക്ടോബർ 2 ഗാന്ധി ജയന്തി, ഒക്ടോബർ 20 മഹാനവമി, ഒക്ടോബർ 21 വിജയദശമി. ഡിസംബർ 25 (ക്രിസ്മസ്.
നിയന്ത്രിത അവധി
മാർച്ച് 4 അയ്യാ വൈകുണ്ഠസ്വാമി ജയന്തി, ഓഗസ്റ്റ് 28 ആവണി അവിട്ടം, സെപ്റ്റംബർ 17 വിശ്വകർമ ദിനം.
