കെ എസ് എസ് പി എ ചെങ്ങോട്ട്കാവ് മണ്ഡലം വാർഷിക സമ്മേളനം ശ്രീ രാമാനന്ദ സ്കൂൾ ഹാളിൽ നടന്നു. മണ്ഡലം പ്രസിഡണ്ട് പ്രസിഡൻ്റ് ടി.അശോകൻ്റെ അധ്യക്ഷതയിൽ കെ എസ് എസ് പി എ സംസ്ഥാന കമ്മിറ്റി അംഗം സദാനന്ദൻ വി സമ്മേളനം ഉദ്ഘാടനം ചെയ്തു. മുതിർന്ന അംഗം ടി.സുകുമാരൻ നായർ, മികച്ച വനിത കർഷക പ്രജിന സന്തോഷ്, ഡോ.മഞ്ജു പെരുമ്പിൽ തുടങ്ങിയവരെ ചടങ്ങിൽ അനുമോദിച്ചു. സംഘടനയിൽ
പുതിയതായി അംഗത്വമെടുത്തവർക്കു സ്വീകരണവും നല്കി.
ബ്ലോക് കോൺഗ്രസ് പ്രസിഡൻ്റ് മുരളീധരൻ തൊറോത്ത്, സംഘടന സംസ്ഥാന കൗൺസിൽ അംഗം മുത്തു കൃഷ്ണൻ പി, ചെങ്ങോട്ടുകാവ് മണ്ഡലം കോൺഗ്രസ് പ്രസിഡൻ്റ് വി പി. പ്രമോദ് കൊയിലാണ്ടി നിയോജക മണ്ഡലം വനിത ഫോറം പ്രസിഡണ്ട് ഇന്ദിര ഹരിദാസ്, ബാലൻ ഒതയോത്ത്, ബാബുരാജ് പി, വി.എൻ.സരള ടീച്ചർ’, യു.ഗംഗാധരൻ എന്നിവർ ആശംസകൾ അർപ്പിച്ചു.
രഘുനാഥ് പടിക്കൽ സ്വാഗതം പറഞ്ഞ ചടങ്ങിൽ ചന്ദ്രൻ കാർത്തിക നന്ദി പറഞ്ഞു. ഉച്ചക്കു ശേഷം ഹെൽത്ത് ഇൻസ്പെക്ടർ സുരേഷ് ബാബു നയിച്ച ആരോഗ്യ ക്ലാസും നടന്നു. പുതിയ ഭാരവാഹികളായി രമേശൻ.കെ (പ്രസി.), രഘുനാഥ് പറമ്പിൽ (സെക്രട്ടറി), ഗംഗാധരൻ യു (ട്രഷറർ) എന്നിവരെ തിരഞ്ഞെടുത്തു.
