ഇ.എം.എസ് ഓഡിറ്റോറിയം നാടിന് സമർപ്പിച്ചു

കൊയിലാണ്ടി: പന്തലായനി ബ്ലോക്ക് പഞ്ചായത്തിന്റെ സാമ്പത്തിക സഹായത്തോടെ പൂക്കാട് കാഞ്ഞിലശ്ശേരിയിൽ ബോധി ഗ്രന്ഥാലയത്തോട് ചേർന്ന്
നിർമ്മിച്ച ഇ.എം.എസ് ഓഡിറ്റോറിയം നാടിന് സമർപ്പിച്ചു. പന്തലായനി ബ്ലോക്ക് പഞ്ചായത്ത് പ്രസിഡണ്ട് പി.ബാബുരാജ് ഉദ്ഘാടനം ചെയ്തു. നൂറ്റി അമ്പതിലേറെ പേർക്കിരിക്കാവുന്ന ഓഡിറ്റോറിയം 10 ലക്ഷം രൂപ ചെലവിലാണ് നിർമ്മിച്ചത്. അനിൽ കാഞ്ഞിലശ്ശേരി അധ്യക്ഷത വഹിച്ചു. ഡോ: പി.സുരേഷ് മുഖ്യ പ്രഭാഷണം നടത്തി. ചേമഞ്ചേരി ഗ്രാമപഞ്ചായത്ത് പ്രസിഡണ്ട് സതി കിഴക്കയിൽ, ബ്ലോക്ക് പഞ്ചായത്ത് സ്ഥിരം സമിതി അധ്യക്ഷരായ
കെ.ജീവാനന്ദൻ, അഭിനീഷ്, ബിന്ദു സോമൻ, ഗ്രാമ പഞ്ചായത്തംഗം സജിതാ ഷെറി, താലൂക്ക് ലൈബ്രറി കൗൺസിൽ സെക്രട്ടറി പി.വേണു ,
ഡോ: എൻ.വി.സദാനന്ദൻ, എം.കെ.യൂസഫ്, കുട്ടിക്കൃഷ്ണൻ എന്നിവർ സംസാരിച്ചു. തുടർന്ന്
മനോരഞ്ൻ ആർട്ട്സ് അവതരിപ്പിച്ച ഹാസ്യ കലാമേള, പ്രാദേശിക ഗായകർ അവതരിപ്പിച്ച ഗാനമേള എന്നിവയും അരങ്ങേറി.