കൊയിലാണ്ടി: ഹെഡ്ലോഡ് വർക്കേഴ്സ് ഫെഡറേഷൻ ഐ എൻ ടി യു സിയുടെ ആഭിമുഖ്യത്തിൽ ചുമട് തൊഴിലാളികൾ ക്ഷേമ ബോർഡ് ഉപസമിതി ഓഫീസിന് മുമ്പിൽ പ്രതിഷേധ ധർണ്ണ സംഘടിപ്പിച്ചു. കെ പി സി സി മെംബർ പി രത്നവല്ലി ടീച്ചർ ഉദ്ഘാടനം ചെയ്തു.
തൊഴിലാളികളുടെ ആനുകൂല്യങ്ങൾ കാലോചിതമായി പരിഷ്കരിക്കുക, ഇ എസ് ഐ -ചികിത്സ സൗകര്യങ്ങൾ ലഭ്യമാക്കുക, മിനിമം പെൻഷൻ 5000 രൂപയാക്കുക. തുടങ്ങിയ ആവശ്യങ്ങൾ ഉന്നയിച്ച് സംസ്ഥാനമൊട്ടാകെ നടത്തിയ ധർണ്ണയുടെ ഭാഗമായാണ് സംഘടിപ്പിച്ചത്. ഐ എൻ ടി യു സി റീജിയണൽ പ്രസിഡണ്ട് ടി കെ നാരായണൻ അധ്യക്ഷത വഹിച്ചു. കെ കെ ഭാസ്കരൻ സ്വാഗതം പറഞ്ഞു. റഷീദ് പുളിയഞ്ചേരി, ദിനേശ് കുമാർ പി,വായനാരി സോമൻ, ഷിജു കേരള ഫീഡ്സ് എന്നിവർ സംസാരിച്ചു. ടി കെ സജീവൻ, ജിതേഷ് പി കെ , ബാബു കെ വി , വൈശാഖ്, ഉമ്മർ കെ കെ, ഷാജി ഇ കെ , മനോജ്, അനൂപ് പി പി, ജിനീഷ് പി കെ എന്നിവർ നേതൃത്വം നൽകി.
