തൃക്കരിപ്പൂർ എഞ്ചിനിയറിംങ് കോളജിൽ ദേശീയ ടെക് ഫെസ്റ്റ്

തൃക്കരിപ്പൂർ കോളേജ് ഓഫ് എൻജിനീയറിങ് കോളേജ് യൂണിയൻ സംഘടിപ്പിക്കുന്ന നാഷണൽ ലെവൽ ടെക് ഫെസ്റ്റ് ഒക്ടോബർ 15, 16, 17, 18 തീയതികളിലായി നടക്കും. ടെക്നിക്കൽ ഫെസ്റ്റിന്റെ ഭാഗമായി കോളേജിലെ വിദ്യാർത്ഥികളുടെ നൂറോളം പ്രോജക്ടുകൾ പ്രദർശിപ്പിക്കും. കൂടാതെ ഐഎസ്ആർഒ, പോലീസ്,എക്സൈസ്, ഫയർഫോഴ്സ്, കെഎസ്ആർടിസി,ജിടെക്,വീയാർ തുടങ്ങിയ സ്ഥാപനങ്ങളുടെ പ്രദർശനവും ഉണ്ടാകും.
ടെക്നിക്കൽ വർക്ക്ഷോപ്പ്, സെമിനാർ, ടെക്നിക്കൽ ക്വിസ് തുടങ്ങിയവയും പരിപാടിയുടെ ഭാഗമായി സംഘടിപ്പിക്കും. റോബോഷോ,മോട്ടോർ ഷോ തുടങ്ങിയവയും ഉണ്ടാകും. വിവിധ എഞ്ചിനീയറിങ് കോളേജുകളിൽ നിന്നും പ്ലസ് ടു സ്കൂളിൽ നിന്നുമായി ഏകദേശം 2000 ത്തോളം വിദ്യാർത്ഥികൾ കോളേജിൽ എത്തിച്ചേരും. അഞ്ചു ജോസഫ്, ഗബ്രി, എംക്യൂബ് തുടങ്ങിയവരുടെ മ്യൂസിക് ഷോയും ഉണ്ടാകും