ഷാഫി പറമ്പിലിനെ ആക്രമിച്ച പോലീസുകാർക്കെതിരെ നടപടിയെടുക്കണം: വില്യാപ്പള്ളി ബ്ലോക്ക് കോൺഗ്രസ് കമ്മിറ്റി

പേരാമ്പ്രയിൽ ഷാഫി പറമ്പിൽ എംപിയെ ആക്രമിച്ച പോലീസുകാർക്കെതിരെ നടപടിയെടുക്കണമെന്ന് വില്യാപ്പള്ളി ബ്ലോക്ക് കോൺഗ്രസ്കമ്മിറ്റി ആവശ്യപ്പെട്ടു. പോലീസ് ആക്രമിച്ചിട്ടില്ല എന്ന കോഴിക്കോട് റൂറൽ എസ് പി യുടെ പ്രസ്താവന ദൗർഭാഗ്യകരവും അപലപനീയവുമാണ്. തെളിവ് സഹിതം ചാനലുകൾ അക്രമത്തിന്റെ ദൃശ്യങ്ങൾ പുറത്തുവിട്ടപ്പോൾ തിരുത്തി പറയേണ്ടിവന്ന റൂറൽ എസ് പി ഇനിയെങ്കിലും കുറ്റക്കാർക്കെതിരെ നടപടിയെടുക്കണം. വില്യാപ്പള്ളി ബ്ലോക്ക് കോൺഗ്രസ് കമ്മിറ്റിയുടെ നേതൃത്വത്തിൽ തോടന്നൂർ ടൗണിൽ പ്രതിഷേധ പ്രകടനവും പ്രതിഷേധ സംഗമവും നടത്തി. പ്രതിഷേധ സംഗമം ബ്ലോക്ക് കോൺഗ്രസ്‌ പ്രസിഡണ്ട് പിസി ഷീബയുടെ അധ്യക്ഷതയിൽ ഡിസിസി ജനറൽ സെക്രട്ടറി കാവിൽ രാധാകൃഷ്ണൻ ഉദ്ഘാടനം ചെയ്തു. എടവത്തു കണ്ടി കുഞ്ഞിരാമൻ, ചന്ദ്രൻ മൂഴിക്കൽ, രമേശ് നൊച്ചാട്ട്, സി വി ഹമീദ്, ആർ രാമകൃഷ്ണൻ, സബിത മണക്കുനി, പി കെ കൃഷ്ണൻ, സി പി ബിജുപ്രസാദ്, ശ്രീധരൻ മൂഴിക്കൽ തുടങ്ങിയവർ സംസാരിച്ചു. പ്രതിഷേധ പ്രകടനത്തിനു വി കെ ഇസ് ഹാഖ്, എ കെ അബ്ദുള്ള പി മൊയ്തു, അജീഷ് വെള്ളൂക്കര, പി കെ യൂസഫ്, ശാലിനി കെ വി, ശ്രീജ തറവട്ടത്ത്, രഞ്ജിനി വെള്ളാച്ചേരി ബബിത തിരുവള്ളൂർ തുടങ്ങിയവർ നേതൃത്വം നൽകി.